فيديو.."أديب"ل"صباحي":"لازم تناضل شوية"

انتقد الإعلامي عمرو أديب، مساء الثلاثاء، موقف المرشح الرئاسي المحتمل، حمدين صباحي، من جمع التوكيلات الخاصة به وإصداره بيانات يبدي خلاله احتجاجه على عدم استخراج توكيلات له في عدد من مكاتب الشهر العقاري.
وقال «أديب»، في حلقة برنامجه «القاهرة اليوم» على قناة «أوربت»: «أنا وصلت لمرحلة النهارده إن أنا فكرت إننا نجيب أستاذ حمدين ونقعده في المكتب ونجيب له التوكيلات».
وخاطب «أديب» في كلمته «صباحي»: «حضرتك على ماتاخد قهوتك نكون لمينا التوكيلات، وحضرتك المفروض مناضل ناضل معانا شوية، وزي ما فيه ناس مش عايزة تعملك توكيلات علشان هما تبع السيسي فيه ناس مش عايزة تعمل توكيلات للسيسي عشان هما إخوان».
وتابع: «النهارده عدد التوكيلات وصل ل64 ألف وال64 ألف دول كام كده وكام كده؟، ولو هنقعد في الحملة دي كده أستاذ حمدين يقعد كده ونروح نجيب له التوكيلات»، خاتمًا: «حضرتك نازل عشان تخدم شعب لازم تناضل شوية».