العادلى: السيسى "صاحى" و"شاهين" إخواني

أكد حبيب العادلي، وزير الداخلية الأسبق، أن وضع الجيش المصري أصبح مختلفاً بعد تولي الفريق أول عبد الفتاح السيسي وزارة الدفاع، قائلاً :" السيسي بيجدد دم الجيش وصاحي".
وقال العادلى ردا علي تساءل طبيبه في التسجيلات الصوتية التي نشرتها الزميلة "اليوم السابع" حول إمكانية غلق الإنفاق :"لسه..الأنفاق دي تبع الجيش الحدود تبع الجيش".
ويكمل العادلي :"الجيش تقدر تسميه بقي من بعد السيسي ما قبل السيسي كان وضع تاني احنا كجهاز أمن الدولة كنا بنبلغ كل يومين عن نفق وهما كانوا بيدمروا.. لكن بيقولك نستفيد من بتوع حماس ونستفيد من البدو".. يقاطعه الطبيب "ازاي الجيش سايب الحدود كده مفتوحة مع إسرائيل وغيره كان لازم يقفلوها كويس".. يرد العادلي "ما هو التاريخ مش هيسبهم ده غير حكم ربنا طبعا.. ده الجيش الأولاني الناس كبيرة في السن لكن بعد السيسي الوضع مختلف شوف لما القيادة تبقي أصغر منك".
يقاطعه الطبيب :" أنا شفتله صورة في الأهرام أثناء التدريبات العسكرية أمام فرق الصاعقة ووراه الجنود".. يرد العادلي "آه ما أنا كنت بشوفه أصل أنا كنت متابعه في حركته لما كان في المخابرات الحربية ده بيجدد دم الجيش وصاحي".. يقاطعه الطبيب "بس طلعت عليه إشاعة انه إخوان".. يرد العادلي "لا مش إخوان هو متدين شوية".
يستكمل الطبيب "طيب ما كلنا متدينين فيه عيلته حد واحد إخوان تقوم البد كلها تشك فيها إنه إخوان".. يرد العادلي "اللي مرتبط بالإخوان مستشاره القانوني" في إشارة إلي اللواء ممدوح شاهين، يقاطعه الطبيب "اه ما سيادة الرئيس في إشارة إلي مبارك قالي إن ابنه متجوز بنت ابن عم الكتاتني باين".. يرد العادلي "آه انت بتشوف الرئيس".. يجاوب الطبيب "آه لذيذ سيادة الرئيس لما يقعد يتكلم عن حكاياته وتاريخه.. يرد العادلي "آه".