أسئلة مظهر شاهين ال"10" للإخوان

وجه الشيخ مظهر شاهين إمام مسجد عمر مكرم ، وخطيب الثورة عدة أسئلة للإخوان طالبهم بالإجابة عليها ، بعد أن ينتهوا من سبه ولعنه – على حسب قوله – بعد وقفه عن العمل وتحويله للتحقيق .
وقال شاهين فى صفحته على موقع التواصل الإجتماعى فيس بوك أنه يسأل ويريد إجابة على أسئلته من الإخوان ، قائلا:
" ليه الإخوان دلوقتي مش بيطالبوا بقطع الغاز عن إسرائيل ؟؟ ، ليه الإخوان متكلموش بعد إعلان أوباما إن القدس عاصمة إسرائيل ؟؟ ، ليه الإخوان دلوقتي مش بيطالبوا بإلغاء إتفاقية كامب ديفيد ؟؟ ، ليه الإخوان دلوقتى مش بيطالبوا بفتح باب الجهاد ؟؟ ، ليه الإخوان دلوقتي مش بيطالبوا بمقاطعة المنتجات الأمريكية والإسرائيلية ؟ ، ليه الإخوان دلوقتي بطلوا يشتموا فى أمريكا و إسرائيل ؟، ليه الإخوان ماطبقوش شرع الله اللى ضحكوا على الناس بيه عشان يقولوا نعم للدستور ؟ ، ليه الإخوان ما قفلوش السفارة الإسرائيلية ؟ ولا طردوا السفير زى ما كانوا بيطالبوا أيام المخلوع ؟ ، ليه الإخوان مابقوش بيلموا تبرعات للبلاد المنكوبة زى سوريا وبورما ... الخ الخ ؟؟ ، ليه خط الغاز ما بقاش يتفجر ولا مرة من ساعة الإخوان ما بقوا فى الحكم ؟" .