فادية عبد الغني: زوجي سبب نجومتي.. ولا أفرض الحجاب على ابنتي

كشفت الفنانة فادية عبد الغني، سبب عدم ظهورها بالبرامج التلفيزيونية، مؤكدة أنها لا تحب ذلك خاصًة أنها ليس لديها جديد تتحدث عنه والسبب غيابها عن الساحة الفنية منذ فترة.
اقرأ أيضًا:
حسن الرداد يوجه رسالة شكر ل دنيا سمير غانم
وقالت عبد الغني، خلال لقاءها ببرنامج "كلام الناس" للإعلامية ياسمين عز والمذاع عبر قناة MBC،: "أن الظهور الإعلامي يجب أن يكون للتحدث عن أعمال جديدة، وليس من أجل الظهور وتسويق الفنان لنفسه، لأن من يفعل ذلك أعتبره بيرخص نفسه".
وعلقت الفنانة فادية عبد الغني، على الشائعات التي طالتها خلال السنوات الماضية ومنها أنها منعت ابنتها من دخول مجال التمثيل، قائلة: "عمري ما منعت ولادي
أنهم يعملوا حاجة نفسهم فيها، بنتي عمرها ما فكرت تكون ممثلة، وولادي ما لهمش في الحكاية دي مع أن إحساسهم حلو وبينتقدوني، وسارة بنتي مثلت معايا وهي صغيرة عمرها سنة ونصف ومرة وهي عندها أربع سنين، وبعد كده الموضوع مبقاش في دماغها".
وتابعت: "اتقال إني فرضت عليها الحجاب وحلقت لها شعرها عشان أمنعها من التمثيل، الناس دي بتعمل كده عشان تكسب من الكلام الفاضي والشائعات اللي ملهاش لازمة".
وأضافت : "طلعت عليا شائعة إني مت من ناس محترمة، وعملوا ليا صوان وصوروا الفنانين اللي بيعزوا
وأنا في بيتي كافية خيري شري بعديها بالصدفة تعبت وجالي كورونا وزعلت جدًا".
وقالت إنها أصبحت نجمة بسبب زوجها قائلة: "زوجي أنتج لي فيلم واحد اسمه إلحقونا، وده كان الفيلم الوحيد، وعملنا مسرحية تليفزيونية لم يتم إذاعتها ولا أتذكر اسمها حتى، وأنا وقت ما أنتج لي زوجي كنت بالفعل شغالة، ونجمي كان عالي أوي، فكان دي حاجة مش جديدة علشان حد يقول زوجها اللي خلاها نجمة".
وأردفت الفنانة فادية عبد الغني: "اللي بنشوفه دلوقتي واحدة أو واحد أيًا كان، بيبقى اسمها مكتوب بالرصاص وبعدين بيتعملها بروباجاندا جامدة جدًا، بيبقى الناس هنا بتقول طب ما هي لسه مبقتش مُثقلة علشان تبقى في المكان ده، وبعدين الكلام بيكتر أن جوزها اللي عملها ده، لكن بالنسبة ليا أنا كنت نجمة من قبل ما ينتج لي زوجي".
لمزيد من أخبار الفن أضغط هنا