"الوفد" تنفرد برسائل "غشاشين" الثانوية لأدمن صفحة التسريبات

"التعليم": لا تسريبات.. وأوراق الأسئلة فى صناديق حديدية

«شاومينج» تحدد الأسعار: 150 جنيهًا لجميع المواد قبل الامتحان ب4 ساعات.. ومجانًا «جوه اللجنة»
ضبط 9 حالات غش.. وتداول الأسئلة عبر مواقع التواصل فى أول يوم ثانوية عامة
الداخلية تنجح في ضبط 7 متهمين بتداول امتحانات الثانوية
أعلن جروب «تسريب الثانوية العامة» على تليجرام، عن حجز تسريب حل الامتحانات قبل بدء اللجنة ب4 ساعات.
وقال أدمن الجروب: «علشان الوزارة بتغير الامتحانات هنسرب فى الجروب السري، للحجز كلمنى هنا»، وأرفق الرابط الخاص به.
كما أعلنت طالبة ثانوية عامة عن وقوعها ضحية لصفحات أخرى، حيث تم النصب عليها فى ألفى جنيه، قائلة «أقسم بالله أجدع وأحسن حد شوفتوا فى حياتى أنا كنت خايفة وكنت مشتركة مع واحد بيدعى أنه شومنيج، ونصب عليا فى 2000 جنيه، بس عادى أنت أنقذتنا كلنا ربنا يخليك لينا يارب وتفضل معانا لحد آخر يوم فى الامتحانات».
وقامت «الوفد» بالتواصل معهم عبر الجروب بعيدًا عن الهوية الصحفية، وجاءتنا الردود التالية:
«بص يا فندم، عايز تحجز الامتحانات، قدامك حلان: أولا لو عايز الامتحانات قبل اللجنة كل المواد سعرها 150 جنيها فقط، وده بياخدوهم الأساتذة اللى بتجبلنا الامتحانات واللى بتحل، وأعتقد ده مبلغ قليل جدا جدا وكمان بتاخد الأربع نماذج بتوع الوزارة بالحل على جروب الواتس قبل اللجنه ب4 ساعات. احنا مش زيى الجروبات التانية النصابة اللى بتضحك عليكو وبياخدو منك 1000و2000 وفى الآخر مش بيسربوا حاجة اسأل على جروباتنا علشان فى جروبات كتيره نصابة، بس احنا عاملينه قليل علشان
طلاب كتير حجزت. ثانيا لو معكش فلوس عادى احنا هنسرب الامتحانات جوه اللجنة مجانا يعنى لو بتعرف تخش بالتليفون يبقى متدفعش وخد المجاني. لو عايز تحجز بتاع الفجر روح للسوبر ماركت قوله عايز ادفع 150 جنيها فودافون كاش للرقم ده، وبعدها صور الوصل أو رسالة الدفع وابعتهالى هنا، وهنبعتلك جروب الواتس أو التليجرام اللى هنسرب عليهم حسب رغبتك».
يذكر أن الجروب قام بتسريب امتحانات الثانوية العامة 2022، التى بدأت أمس الاثنين فى المواد غير المضافة للمجموع فى التربية الدينية والتربية الوطنية.
ورصدت «الوفد» حالة من الفرحة والسعادة بين كثير من طلاب الثانوية العامة، الذى عبروا عن سعادتهم وشكرهم لأدمن صفحة تسريب الثانوية العامة، فى رسائل عبر تليجرام:
يقول محمود: «أحلى شاومينج فى الدنيا أقسم بالله أنت بجد عظمة جدا، أما منار فقالت: يا رتنى كنت عرفتكم من السنة اللى فاتت كان زمانى فى الكلية اللى بحبها، ويقول عبدالله: عقبال العربى يبقا كتر خيركم والله».
أما «ميمو» فيقول: «مكنتش مصدق الكلام والله بس أتواصلت وبعتلك الامتحانات وجات الإجابات فوق فوق ما أتصور ويارب باقى المواد، وأشاد حمادة بالصفحة قائلًا: تسلم يا بطل عاش والله، ويضيف فرعون: أحلى شومينج فى الكون ولا إى كلام يوصفك يا بطل، والله
أنت مفرح ناس كتير قوي.
وكشفت مصادر مسئولة بالتربية والتعليم فى تصريحات صحفية أنه لا يوجد تسريبات لأى مادة من مواد الثانوية العامة، وأن أوراق الأسئلة فى صناديق حديدية محكمة جيدا بالشمع الأحمر، فيما أكدت غرفة عمليات وزارة التربية والتعليم والتعليم الفنى أنها تتابع وصول صناديق أسئلة امتحانات المواد غير المضافة للمجموع التربية الدينية والتربية الوطنية إلى اللجان بالمدارس وسط حراسة أمنية مشددة.
وكانت انطلقت صباح أمس امتحانات الدور الأول من شهادة إتمام الدراسة الثانوية العامة للعام الدراسى الحالى 2021/2022، أمام (2089) لجنة امتحانية على مستوى الجمهورية، حيث أدى طلاب الثانوية بشعبتيها العلمية والأدبية بإجمالى عدد 708 آلاف و478 طالبًا وطالبة الامتحان خلال الفترة الأولى فى مادة التربية الدينية وفى الفترة الثانية أدى الطلاب الامتحان فى مادة التربية الوطنية.
وأدى طلاب شهادة إتمام الدراسة الثانوية العامة مدارس (المتفوقين STEM) الامتحان فى مادتى التربية الدينية والتربية الوطنية بإجمالى عدد 1796 طالبًا وطالبة.
كما أدى طلاب شهادة إتمام الدراسة الثانوية العامة (المكفوفين) الامتحان فى مادة التربية الدينية بإجمالى 250 طالبًا وطالبة.
وقامت غرفة العمليات المركزية بمتابعة سير الامتحان بجميع المحافظات، وتلقت عدة ملاحظات، حيث تمكن أعضاء فريق مكافحة الغش الإلكترونى بغرفة العمليات المركزية من رصد عدد 4 حالات غش بمحافظات الغربية والشرقية وقنا وسوهاج، كما رصدت غرفة العمليات المحلية بمحافظتى الإسكندرية وكفر الشيخ حالتى غش فى امتحان مادة التربية الدينية، باستخدام أجهزة الهواتف المحمولة، ونشر أحد أجزاء الأسئلة عبر الإنترنت.
وتم رصد عدد 3 حالات غش بمحافظات السويس، والشرقية، والقاهرة فى امتحان مادة التربية الوطنية باستخدام أجهزة الهواتف المحمولة، ونشر أحد أجزاء الأسئلة عبر الإنترنت.
كما تم نقل الطالبة (ب.ك.ر) بإدارة شبراخيت التعليمية بمحافظة البحيرة للمستشفى لعمل الإسعافات اللازمة بسبب حدوث ضيق تنفس لها.
وقد تم التحفظ على أجهزة الهواتف المستخدمة واتخاذ الإجراءات القانونية اللازمة حيال الطلاب المضبوطين.