برنامج حبر سري| شاكوش وبيكا: 7.5 ملايين جنيه خسائرنا منذ أزمة نقابة الموسيقيين (فيديو)

كشف مطرب المهرجانات حسن شاكوش، عن أن خسارته تخطت ال4 مليون جنيه منذ قرار أزمته الأخيرة وإيقافه من نقابة الموسيقيين، قائلا: "أنا خسرت شغل ورجعت عربون شغل كتير لناس ورجعت رقم كبير خلال 8 شهور اللي وقفتهم، ومرجع فوق ال4 مليون جنيه".
اقرأ أيضًا.. حمو بيكا: سخرية رامز جلال عليا في رامز موفي ستار أبكت والدتي بشدة (فيديو)
وأشار شاكوش، خلال حواره ببرنامج "حبر سري"، مع الإعلامية أسما إبراهيم، المذاع على قناة القاهرة والناس، مساء الأربعاء، إلى أنه لم يقم
بتنزيل أي أغنية على قناته باليوتيوب التزامًا بالقرار، مؤكدا أنه حقق أرباح من اغنية بنت الجيران ولكن مجمل الأرباح مقسمة بين شركتين.
وتابع: "بخاف من الحسد دلوقتي وأغنية بنت الجيران حققت نجاح كبير ولكن الناس مفكرة اليوتيوب بيصرف فلوس بالمشاهدات، والناس خدتها تجارة دلوقتي وبتعمل قنوات يوتيوب ولكن الإعلانات على القناة هو اللي ممكن بتعمل فلوس كويسة".
حمو بيكا: خسرت 3.5 مليون
فيما قال مطرب المهرجانات حمو
بيكا، إن خسارته بلغت 3.5 مليون جنيه منذ أزمته الأخيرة مع نقابة الموسيقيين، قائلًا: "خسرت 3.5 مليون في الأزمة الأخيرة في أربع شهور وربنا سترها وبنعافر عشان ناكل عيش، واحنا حاليا قاعدين وببقى تعبان نفسيا لما أغني في بلد تانية ونسيب بلدنا اللي أحسن بلد في العالم".
وأكد حمو بيكا أن الفنان عمرو كمال لم يقف بجانبه خلال أزمته الأخيرة الصحية وتعطل عمله الفني، مضيفا: "عمر كمال موقفش جنبي في أزمتي الأخيرة وهو أخذ المصلحة مني وخلاص".
وتابع: "مصلحة عمر كمال معايا أنه يطلع يعمل فيديوهات ويتشاف بها على السوشيال ميديا وخلاص، وأنا قلبي أبيض".
للمزيد من أخبار قسم الميديا اضغط هنا