عرضت فضائية "اكسترا نيوز "، اليوم الإثنين، فديو جراف بعنوان " س و ج.. لماذا قامت الدولة بتحرير سعر الصرف؟ وهل المشروعات القومية هى السبب فى ارتفاع الأسعار؟ ". اقرأ أيضا : البنك المركزي يعلن رفع أسعار الفائدة 1% وجاء التقرير على النحو التالي : س: ليه الدولة حررت سعر الصرف؟ ج: لما الكمية المتاحة من سلعة أو خدمة بتقل ده بيخلي سعرها يزيد، ولو السعر ما زادش ده بيخلق سوق سودا للمنتج ده.. بالنسبة للدولار.. لو الطلب عليه زاد سعره هيزيد، خصوصا أن الكمية المتاحة منه انخفضت، فلو البنك المركزي ما رفعش سعر الصرف هيتم بيع وشراء الدولار في السوق السودا.. وده هيأثر بشكل سلبي على القطاع المصرفي.. وكده المشكلة هتزيد مش هتقل لأن كمية الدولار هتقل أكتر علشان هيتم بيعه وشراؤه في السوق السودا مش جوه البنوك بتاعتنا.. وده هيخلي سعره يزيد بدون رقابة حكومية. س: ليه أسعار الفائدة بتزيد بردو؟ ج: دولقتى أسعار الفائدة بردو زادت لأن فيه تضخم، يعنى فيه ارتفاع في الأسعار.. وزيادة سعر الفائدة بتقلل التضخم لأن لما سعر الفائدة بيزيد ده بيشجع الناس تودع فلوسها في البنوك، وعلشان تستفيد من العائد المرتفع فده هيخلي كمية النقود الموجودة في التداول تقل فالطلب يقل فالأسعار تنخفض ونقلل من مشكلة التضخم. س: هل صحيح أن المشروعات القومية الكثيرة لها دور في الأزمة الاقتصادية؟ ج: بالعكس طبعا.. المشروعات القومية هي اللى قللت من أثر الضغوط الاقتصادية دى على المصريين الفترة اللى فاتت.. لأنها بتستوعب مئات الآلاف من الإداريين والعمال والمهندسين والفنيين وبتوفر لهم دخل منتظم مستمر هو اللى خفف من الأزمات الاقتصادية اللى أثرت على العالم كله. س: هل المشروعات القومية والعاصمة الإدارية هي سبب في ارتفاع الأسعار؟ ج: أكيد لا.. لأن الشركات اللى شغالة في العاصمة الإدارية والمشروعات القومية شركات مصرية واللي بيشتغل فيها مصريين بتمويل ورؤوس أموال مصرية ومعاملاتها بالجنيه المصري فملهاش علاقة بارتفاع سعر الدولار. س: هل المشروعات القومية والعاصمة الإدارية هي سبب في ارتفاع الأسعار؟ بالعكس المشروعات دى هي اللى بتوفر فرص عمل وفرص استثمارية بالآلاف في كل مكان في مصر، بالإضافة لكدا المشروعات دى الهدف منها توفير بيئة استثمار جيدة لجذب المستثمرين الأجانب اللى هيوفروا عملة صعبة ويساعدونا في زيادة الصادرات، ففي الوقت اللى هيدور فيه المستثمرين على فرص استثمارية جديدة، مصر هتكون جاهزة لاستقبال الاستثمارات دى سواء في مجال الطاقة أو غيرها من المجالات، وببساطة المشروعات القومية دى هي اللى هتخلينا نبص للتهديدات اللى في العالم على أنها فرص للنمو. المزيد من أخبار الميديا
