كريم عبد العزيز يطالب جمهوره الدعاء ل ياسمين عبدالعزيز

إنضم النجم كريم عبد العزيز، إلى العديد من الفنانين الذين يطالبون بالدعاء للفنانة ياسمين عبدالعزيز، بعد تعرضها لأزمة صحية مفاجأة إنتقلت على أثرها لغرفة العناية المركزة بإحدى المستشفيات.
اقرأ ايضاً .. شقيق ياسمين عبدالعزيز لجمهورها: لما تستقر حالتها هنطمنكم
وطالب "عبد العزيز"، جمهوره ومتابعيه، عبر حسابه على موقع "إنستجرام"، الدعاء ل ياسمين عبالعزيز، وكتب: "دعواتكم بالشفاء العاجل للأخت و الصديقة الجدعة و عشرة السنين ياسمين عبدالعزيز، وربنا يشفيها ويقومها بالف مليون سلامه".
ياسمين عبدالعزيز
وكان قد أعلن الفنان أحمد العوضي، برسالة مؤثرة تعرض زوجته الفنانة ياسمين عبدالعزيز لأزمة صحية مفاجأة، وذلك عبر حسابه على موقع التواصل الإجتماعي "فيسبوك": قائلًا: "يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا، أنا ضعيف جدًا من غيرك أنتي لازم تبقي كويسة ولازم تقومي بالسلامة، أنا لأول مرة اكتب من غير ما أكون مفكر أنا بكتب إيه وهكتب إيه، بس انتي هتقومي إن شاء الله بإذن الله عشان انتي وعداني وعد وهتتفذيه".
وأضاف: "أنا عاوزك تبقي كويسة
وتقومي عشان أقولك أني لو كنت ببينلك أني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا".
وتابع : "لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك ".
واختتم كلامه: "ادعوا لها تقوم بالسلامة زي ما أنتو دايما بتدعولها بالنجاح والتوفيق.. هي دلوقتي محتاجة دعواتكم".