هشام إبراهيم يوضح حقيقة تدخل رجال أعمال لتمويل عقد كارتيرون مع الزمالك

كشف هشام ابراهيم نائب رئيس نادي الزمالك، حقيقة تدخل رجال أعمال لتمويل عقد كارتيرون مع القلعة البيضاء.
وترددت أنباء عن تدخل بعض رجال الاعمال في دعم عقد كارتيرون لتدريب الزمالك مرة أخرى.
وقال ابراهيم خلال تصريحات تليفزيونية " فلوس كارتيرون تحملتها خزينة نادي الزمالك بالكامل ولم يساعد النادي اي شخص وبرحيل باتشيكو وفرنا فلوس منصب مدير الكرة والمشرف العام على الكره وقللنا عدد الجهاز المعاون وده وفر معانا فلوس كتيره أفضل حاليا من الجهاز السابق ".
وأضاف " كارتيرون مش غريب عن الزمالك كان
فيه اكتر من اختيار، اللجنة فضلت كارتيرون علشان هو حافظ الفريق كويس وهيشتغل من اول دقيقة، وكان فيه تواصل بينه وبين اللاعبين خلال الفترة اللى فاتت، خاصة واحنا عندنا مباراة صعبة زي الترجي ومفيش وقت نجرب ".
وأكمل " عن تصريحات باتشيكو!؟ اللجنة اللى بتدير الزمالك لا تتخذ اى قرار يتعلق بأي لاعب إلا بموافقة الجهاز الفني، باتشيكو طلب لاعب من ضمن خمسة ووفرناه، مش ممكن نعير أي
لاعب إلا بموافقه الجهاز الفني واحنا اعرنا بعض اللاعبين لإراحة خزينة النادي من رواتبهم ".
واردف " ان شاء الله الزمالك قريب هيكون جاهز لإنهاء صفقة تجديد ساسي ولاعبي نادي الزمالك ليهم مؤخرات مالية لكن فيه تفاصيل تانية، زى لما جينا النادي كان اللاعبين ليهم 5 شهور مقبضوش من ساعة ما جينا وفرنا 148 مليون جنيه كدخل بين رواتب ومؤخرات لكافة الألعاب".
واتم " بطمن الناس ان لو فيه أي أزمة مالية احنا موجودين علشان نحلها النهارده اصدرنا بعض القرارات خاصة بمشاريع ضخ مالي للخزينة بمقدار 20 مليون جنية خلال الايام القليلة القادمة وموضوع تجديد فرجاني ساسي في طريقه للانتهاء ساسي لديه رغبة في البقاء ".