فيديو.. حمو بيكا: عمر كمال سبب ظهور الراقصات معي

نفى حمو بيكا ،مغني المهرجانات الشعبية ، زواجه من راقصة لأنه ضد فكرة الزواج من الراقصات، مشيرًا إلى أن المطرب الشعبي عمر كمال هو من اقترح عليه ظهور الراقصات في أغانيه.
فيديو.. حمو بيكا يكشف قيمة أرباحه من اليوتيوب
وأضاف بيكا، خلال حواره مع الإعلامية ريهام سعيد ببرنامج "صبايا الخير"، عبر شاشة "النهار"، أنه لا يمكنه الزواج من راقصة بالرغم من أن بعض كليباته احتوت على راقصات،
متابعا:": "الناس كلهم بيحسبوني متجوز رقاصة حتى وأنا في برنامج سألتني مذيعة أنت متجوز رقاصة، قلت لها لأ، مينفعش أتجوز رقاصة، فنها إنها ترقص بس متجوزهاش".
وأوضح : "عمري ما فكرت إن رقاصة تطلع معايا في أغانيّ، عمر كمال هو من يقترح علىّ وقلت له بلاش إحنا كده كده الناس بتحبنا من غير أي
حاجة، عمر مضروب بحاجة اسمها ميديا و24 ساعة قاعد على الفيس بوك، هي حياته كلها، وممكن السوشيال ميديا تودي في داهية".
وأكد أنه ندم على ظهور راقصة في أحد فيديوهات الكليب التي صورها: "ولما طلعت رقاصة معه قال لي يا ريتنا ما كنا عملناها، لكن أنا بحب أهاوده للآخر".
وعن الفيديوهات التي هاجم فيها الزواج عبر حساباته الرسمية على منصات التواصل الاجتماعي، قال بيكا: "التريند، هي زعقت لي وبتزعل، وبتقول ليه بتعمل كده، أنا بحب مراتي، بس بنصح كل شاب إنه ميتجوزش غير اللي بيحبها".