السلفيون‮ علي الفيس بوك‮: وداني‮.. ونينجا‮..‬ وناري‮!‬

دشنت عدة صفحات ساخرة علي الموقع الاجتماعي‮ "‬الفيس بوك‮" من قبل السلفيين رداً‮ علي التضليل الإعلامي‮ الذي‮ يصورهم بطريقة‮ غير صحيحة،‮ هدفها الإساءة من طرف خفي‮ إلي الإسلام،‮ ومنهم صفحة‮ "‬أنا مسلم سلفي‮ وأفتخر‮" والتي‮ تؤكد علي عدم صحة الأقاويل التي‮ أذيعت من قبل وسائل الإعلام مثل خطف السيدات‮ غير المحجبات وغيرها من الاتهامات التي‮ ألقيت علي عاتق السلفيين‮.
‬حيث قال القائم علي صفحة أنا مسلم سلفي‮ وأفتخر‮ :"‬إحنا كسلفيين مسلمين والله مش عصابات إجرامية وتنظيمات إرهابية،‮ وأهم حاجة عندنا رضا ربنا سبحانه وتعالي،‮ عمرنا ما بنعامل حد‮ غير بأخلاق الإسلام اللي‮ هي‮ التعامل بالحسني،‮ وعمرنا ما بنضرب حد لو لقيناه بيعمل معصية لأن الله عز وجل‮ يقول‮: (‬ادع إلي سبيل ربك بالحكمة والموعظة الحسنة‮)‬،‮ وقوله صلي الله عليه وسلم‮: (‬إن الله رفيق‮ يحب الرفق في‮ الأمر كله‮)‬،‮ وعشان كده أنا لما أشوف أي‮ واحد لازم أتبسم في‮ وجهه عملا بقول النبي‮ صلي الله عليه وسلم‮: (‬تبسمك في وجه أخيك صدقة‮)".‬
وأضاف‮ :"‬بلاش‮ يا جماعة ننساق وراء شائعات مالهاش أصل،‮ لأن اللي‮ بيطلع الشائعات ديه بيبقي هدفه‮ يخوف الناس أولا ويزيل الاطمئنان من قلوبهم،‮ وبيبقي هدفه ثانيا تشويه صورة الملتزمين عشان‮ يصد الناس عنهم‮".‬
وأكدوا أن الإعلام المصري‮ فاشل وغير منصف،‮ غرضه فقط مهاجمة التيار الإسلامي،‮ بدون أدني قدر من الحيادية،‮ حيث قالوا‮ :"‬عايزين نساعد الإعلام شويه بقي،‮ ومن دلوقتي‮ نبدأ نصنف السلفيين،‮ يعني‮ فريق بيحب الودان دول ممكن نسميهم التيار السلفي‮ الوداني،‮ وفي‮ فريق بيحب مية النار وحرق الشقق وكدة ده ممكن نسميه التيار السلفي‮ الناري،‮ وفي‮ بقي فريق بيحب الخطف،‮ ده ممكن نسميه نينجا التيار السلفي‮".‬
ومن ناحية أخري‮ دشنت صفحة أخري‮ تحت عنوان‮ "‬الملتزمين مش ضربين بوز لقدام دول بيعبدوا ربنا وبيهزروا كمان‮" والتي‮ تؤكد علي سماحة ومرونة الالتزام الديني لدي السلفيين،‮ فالالتزام بطاعة الله وشرعه لم‮ يكن معناه في‮ أي‮ يوم من الأيام عدم الضحك والكآبة وعدم التفاعل مع الناس‮.‬
و‮ يؤكد القائمون علي الصفحة بطريقة ساخرة‮ :" نحن نريد توضيح صورة السلفيين المفتري عليهم من الإعلام المنافق،‮ السلفيين الوحشين الشريرين،‮ عملوا كل المحرمات اللي‮ ممكن تتخيلوها،‮ قتلوا وحرقوا وبلطجوا وسرقوا وهيخطفوا وبيشتموا،‮ وعلي فكرة هما كمان السبب في‮ هزيمة مصر من جنوب أفريقيا،‮ وهما السبب في‮ عدوان القذافي‮ علي ليبيا،‮ ومش بعيد‮ يكونوا هم السبب في‮ عدوان الناتو علي أفغانستان وليبيا‮".‬
وأضافوا‮ :"‬السلفيون هم الغزو القادم فاحذروهم،‮ هتخرجوا الشارع تلاقوا‮ (‬سلفيين‮)‬،‮ هتدخلوا البيوت هتلاقوا شبح‮ (‬السلفيين‮)‬،‮ هتناموا هتحلموا‮ (‬بالسلفيين‮)‬،‮ هتفتحوا التلاجة هتلاقوه‮ (‬سلفيين‮)...‬هتفتحوا الحنفية‮ (‬بردو هتلاقوا سلفيين‮)‬،‮ ولما تيجوا تخوفوا ولادكم‮ ,‬مش محتاجين للخرافات القديمة بتاعة‮ (‬أبو رجل مسلوخة‮) والحاجات دي،‮ قولوا لهم بس‮ (‬لو ماسمعتوش الكلام هنجيب لكم السلفيين‮)‬،‮ ولو ماشربوش اللبن وروهم أي‮ حد‮ (‬ملتحٍ‮ ) أو أي واحدة‮ (‬منتقبة‮) وقولوا لهم‮ (‬اللي مايشربش اللبن بيكون شكله كده‮).