بفستان من وحى الطبيعة.. هدير عاطف تتألق في خطوبتها

استطاعت الفاشون بلوجر هدير عاطف أن تخطف الأنظار حولها أثناء احتفالها بحفل خطوبتها أمام شاطئ البحر، بعدما شاركت متابعيها عبر "إنستجرام" بمجموعة من صورها لأحدث جلسة تصوير بعدسة المصور أحمد عاطف وهي برفقة خطيبها وأصدقائها.
اقرأ أيضًا.. بقصة شعر جديدة.. مي عمر تتصدر غلاف فوج العربية
وتألقت الفاشون بلوجر بإطلالة ناعمة مستوحاه من الطبيعة بلون السماء والبحر، حيث ارتدت فستانا طويلا منفوشا، بأكمام طويلة، بلون البيبي بلو، مصمم من التل الناعم، أتسم بكشكشة لتشبه أمواج البحر.
أما من الناحية الجمالية، نسقت حجاب من الحرير بنفس لون الفستان ووضعت مكياجًا جذابًا مرتكزًا على الألوان الترابية مع الكحل والماسكرا لتبرز جمال عينيها.
وكشفت الفاشون بلوجر هدير عاطف كواليس جلسة التصوير الخاصة بخطوبتها في حوار خاص ب"الوفد" قائلة:" كنت حابه أعمل حاجه مميزه ومش تقليديه خالص واطلع فيها شبه أميرات ديزنى وابقا شبههم بشكلهم الجميل الملفت
لانى ديما بحب الاختلاف وانى مش لازم عشان أعمل سيشن لفستان سواريه إنى أتصور فى قاعه أو أوتيل، حبيت أخرج بره الصندوق ".
وتابعت: "وجتلى فكرة أنى أعمل سيشن خطوبتى على البحر قد أيه أول ما الفكره جت فى دماغى اتحمست جدا ليها لانى تخيلتها وكان لازم أدور على لون يليق مع البحر والسما والرمل مش أى لون وخلاص، عشان كده فكرت في البيبى بلو لإن الألوان لأزم تكون متناسقة مع بعضها جدا".
وأضافت: "وحبيت أصمم فستان منفوش وأغير فكره أنو مش لازم كل فساتين السواريه تبقا سك عشان تناسب المحجبات ، أن الفساتين الكبيره مع تفاصيل رقيقه بتطلع جميلة، فستاني يمكن شكله بسيط من بعيد ورقيق وسهل بس
ده أكتر فستان اعمله ياخد وقت طويل لانه مصمم من التل".
واستكملت : "اختيار المكان كان أهم شئ عندى لانٍ دايما لازم يبقا فى تناقس بين الألوان و التصوير مع المكان فلازم يبقى عندنا فن اختيار المكان المناسب لأى مناسبه عشان هو ده فعلا اللى بيطلع الشكل الحلو ده واليوم الحلو ده".
وقالت : "أنا كان امنيه حياتى أعمل وايت بارتى يبقا فيها كل الناس القريبه منى جدا بس وأن أنا وكل الموجودين نلبس أبيض من الصغير للكبير وفعلا عملت السيشن بل بيبى بلو وحفله الخطوبة كانت بلفستان الأبيض وكان لأزم أختياري للفستان يبقا سيمبل لأنى عامله فستان كبير فأخترت فستان سك سيمبل جدا للحفله ".
وأوضحت: "واستغربت جدا من رد الفعل اللى حصل على سيشن الوايت بارتى بتعتى مكنتش متوقعه انى اخد ترند على سوشيال ميديا بسبب الوايت بارتى و كل الكلام اللى أتقال فرحنى جدا انو قد ايه عندى سلام نفسى وعدم حقد وغل او خوف عشان كلنا كنا لابسين أبيض ان حد من اصحابى يغطى عليا فى يوم مميز زى ده ".