تصدر أحمد حسام ميدو، لاعب الزمالك ومنتخب مصر السابق، معدلات الأكثر تداولاً عبر موقع التواصل الاجتماعي تويتر، خلال الساعات الماضية القليلة، بعدما دون عدة تصريحات عبر حسابه اثارت الجدل منها الخاص برواتب اللاعبين، مطالبا بوضع سقف لرواتب اللاعبين والمدربين والإعلاميين في مصر. وكتب ميدو عبر حسابه الشخصي على موقع التواصل الاجتماعي (تويتر): "لازم الوزير اشرف صبحي والأستاذ عمرو الجنايني يشتغلوا اه مفيش عقد لأي لاعب او مدرب يتم اعتماده الا بسقف معين يزيد كل 3 سنوات السقف ده 15 ٪.. الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز 2 او 3 لاعيبه مميزين كل موسم!!". وعلق ميدو، على الازمة التي تمر بها دول العالم من وباء فيروس كورونا، قائلا :" ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم.. وهنا الموضوع مش موضوع أرزاق، الموضوع موضوع عدل!! لازم يبقى في نسبه وتناسب..لازم نستغل الظروف اللي بنمر بيها وحاجات كتيره تتعدل. وذكر في تدوينة اخرى، :" مثلا زوج اختي دكتور مخ وأعصاب في مستشفى كبيرة جدا وعندما علمت عن دخله السنوي صعقت!! ازاي واحد درس سبع سنين طب موت نفسه فيهم وبيشتغل اقل حاجه 16 ساعه في اليوم يكون ده دخله!! على فكره ده الوضع في العالم كله مش في مصر بس..في رايي ان كل ده لازم يتغير. واختتم: "اكثر حاجه لازم الدولة تعلمها ان لازم يحصل تعديل في الموازنة العامة لازم الصحة والتعليم يتخصص لهم نسبة اكبر بكتير لازم يتم تخفيض عدد الموظفين الحكوميين لازم الفلوس اللي بتتصرف على الكورة والأعلام والفن يتم تخفيضها بشكل كبير!! لازم بتعمل سقف مرتبات للاعبين والمدربين والاعلاميين.