بالفيديو.. "أسفلت": "أنا دمعة كل أم ابنها مات"

تحت عنوان "أنا سطرين"، بثت فرقة "أسفلت" الغنائية بالتعاون مع المطرب أمير يوسف أغنية جديدة تجمع بينهم عبر موقع "يوتيوب" الإلكترونى أمس الجمعة، بهدف التحدث عن شهداء الثورة الذين ضحوا بأرواحهم فداء للحصول على الحرية والديمقراطية.
وتقول كلمات الأغنية:
أنا استيكر ملزوق عليه "مين المقصود"
أنا عين بتشوف، أنا لسان بيقول
أنا ميكروفون يعلى بيه صوتك
أنا سماعة تلغي بيها سكوتك
أنا فكرتي عايشة واسمي اتنسى
أنا ضربة وجلدة وجسمي اتهرى
أنا وش بيضحك غلاف كتاب
أنا لسة كاتب لبكرة جواب
أنا وسط البلد أنا قلبي اتولد
أنا قلة عدد على كوبري الأسد
أنا خفة دم باسم يوسف
أنا صورة جدي على فلوسي
أنا السلمية بمفرداتها
والحرية بمنشوراتها
مش محتاجني عشان تعبر
أنا اللى اتقال بس إنت أكتر
انا سطرين بتقراهم كدا على الصبح
يسيبوا جوا منك شىء
بقابلك ع الحيطان صدفة
ف كل مكان وأي طريق
أنا الصوت اللي قال تغير
أنا رأيك أنا فكرك أنا التعبير
أنا روح راحت علشانك
أنا صوت واصل لمكانك
أنا عين بتشوف الظلم وساكتة بقالها كتير
حواليك دايما تلمحني
مش شرط أنك تعرفني
أنا إيد بتساعدك توصل.. علشان أحلامك تكمل
أنا سكة هاتخدك ناحية نور ومحبة وخير
أنا اللي ماكنش ليا وجود وظهرت
أنا علم بلدي في إيدين صحاب الأرض
أنا صوت عود مش مبسوط
أنا بيت شعر مش موجود
أنا مزيكة سكوت
أنا صندوق "نعم" و "لا" للتعديلات
أنا دمعة كل أم ابنها مات
أنا صوت تشجيع خارج من الاستاد
أنا بوستر مترشح للانتخابات
أنا تصريح على "كلنا خالد سعيد"
أنا المظاهرة اللي قالت "الشعب يريد"
أنا مانشت اتكتب بالبنط العريض
خرطوش، رصاص مش هيفيد
أنا "أسفلت" على تيشيرت إنت لابسه
أنا كلام أنت كاتبه، قول اللي حاسه
أنا يافطة عليها "الشعب اختارك"
أنا محطة "الشهدا" بدل "مبارك"
شاهد الفيديو