بعد اكتشاف حالات غش فى الثانوية العامة

تويتر: نعم للمحاكمات العسكرية للغشاشين

[تويتر: نعم للمحاكمات العسكرية للغشاشين]
كتبت – سارة عزو:
منذ 1 ساعة 45 دقيقة
فجرت حالات الغش في امتحانات الثانوية العامة عن طريق هواتف "البلاك بيري" والانترنت عبر موقع "تويتر" و"فيس بوك" سخرية النشطاء عبر مواقع التواصل الاجتماعي المختلفة.
واعتبره بعض النشطاء أسلوبا جديدا ومبتكراً للغش، بينما أكد البعض الآخر أنه اهمال وتسيب من جانب وزارة التربية والتعليم ومراقبي لجان الامتحانات.
سخر النشطاء من تواجد هواتف البلاك بيري مع الطلبة أثناء الامتحان ومنهم إسراء على قائلة : "الامتحان في مستوى الطالب اللي معاه سمارت فون"، بينما قال على خالد : امتحان الفيزيا هيكون صعب وطويل ، خدوا الشواحن معاكم عشان لو الموبيل فصل"، وأضافت ميار الشحات: "بعد كدا متسألش زميلك ليلة الامتحان ذاكر ولا لأ...اسأله شحن البلاك بيرى ولا لأ".
وعلقت ياسمين سميح: "سيذكر التاريخ إننا من الدفعات اللي نجحت من غير بلاك بيري .. سجل يا تاريخ"، وأضاف حازم يسري :"كل اللي سربوا إمتحانات الثانوية العامة هيتنفخوا .. نعم للمحاكمات العسكرية للغشاشين‎‫"، بينما قال عادل سلامة: "الاسلوب الجديد فى الغش ده بيدل ان الجيل القادم جيل فاشل بس جامد وهايدوخ النظام والامن شدوا يا شباب".
ورفض البعض مبدأ الغش ومن بينهم محمد فاروق قائلاً: "مراقب ده ولا كيس جوافة اللي سايبكو تتويتوا في اللجنة..ده أنا بيفتشوني ذاتي وأنا في بكالوريس صيدلة"، وأضاف أحمد غالي :"معاك بلاك بيري ياحيلتها وابوك هيدخلك جامعة خاصة يبقى ليه تضيع فرصة الجامعة الحكومية ع طالب ابوه معهوش يشتريله حتى موبايل صيني".