شاهد.. تامر أمين ل"شيرين": مصر خسارة في ناس كتير

علق الإعلامي تامر أمين، على ما قاتله الفنانة شيرين عبد الوهاب ليلة رأس السنة، أثناء تواجدها في إحدى الحفلات، قائلًا: "شيرين قالت والله أنا خسارة في مصر.. الكلام دا ممكن تقوله بين أصحابها مش تقوله
قدام الناس على الملئ".
وتابع "أمين" خلال تقديم برنامج "آخر النهار" المذاع على فضائية "النهار" مساء اليوم الأربعاء: "مكنش ينفع إنك تهيني بلدك أي كان نيتك، وأنا ليا
ظاهر الفعل، وظاهر فعلك إساءة للبلد، ومصر هي إللي خسارة في ناس كتير".
وأكد الإعلامي، أن الفنانة شيرين غير قادرة علي ضبط لسانها وكلامها في المسرح والحفلات، مضيفًا: "واضح إن دي مشكلة عندها، وهي بتطلع تغني زي الفل، بس لما بتتكلم في النص بين الأغاني بتحصل مصائب".