مخرج "طلق صناعي" يروي تفاصيل تعرضه للسرقة

كشف المخرج والمؤلف خالد دياب، عبر صفحته الشخصية بموقع التواصل الاجتماعي "فيس بوك"، تعرضه لعملية نصب، فقرر أن يشارك الجمهور تفاصيلها، لكي لا يقع في نفس الفخ.
وكتب قائلاً: "عارض بيتي اللي عايش فيه للبيع فكلمني، مواطن خليجي عايز يشتري البيت وجه اتفرج وعجبه البيت واتفقنا على السعر ومافاصلش في جنيه، وعرض يشتري كمان الفرش، فوافقت عشان ما اتعبش في نقل الفرش، المهم قالي آخد رأي مراتي في كام حاجه وقام مكلمها في التليفون ووطي صوته، فحسيت أنه عايز شويه خصوصية فقالي ممكن اطلع ابص علي الأوضه الصغيرة تنفع مربية والا لا، فسمحتله ورجع سألني هاتسيب التكيفات قولتله آه، ثم
هاتسيب التليفزيونات قولتله آه... قولت لعيشة مراتي أطلع أقوله أنه ممكن يبني أوضه للمربية في الجنينة ويستغل هو أوض البيت لعيلته يمكن ده يأثر على قرار مراته في الشرا قالتلي ملوش لزوم... يا عيشة اطلع اقوله البيعه هاتبوظ، قالتلي خليها علي الله.. دقايق و نزل قالي تمام مراتي موافقه ساعه ونتقابل في البنك أكون جبت المحامي، أن عملي ومش بتاع تضيع وقت... مراتي قالتلي شوفت ربنا سهلها ازاي!.. كان عايز يمشي اصريت يشرب حاجه لغاية ما رضي يشرب شاي".
وتابع"مشي وأنا طاير من الفرحة والادرينالين متدفق في عروقي عشان الديل اللي الراجل مانزلش فيه جنيه ... نص ساعة ونزلت عشان اقابله في البنك لقيت مراتي بتكلمني بتقولي أنت خدت فلوس من شنطتي؟"؟
"فجأه أنا حصلي فلاش باك صاروخي.. قولتلها روحي شوفي أي فلوس في البيت ناقصة؟ قالتلي ايه؟ زعقتلها قولتلها روحي شوفي أي حاجه ناقصة حالا... رجعتلي بالخبر اليقين.. البرنس سرق كل الفلوس في شنطة عيشه...كلمته في التليفون طبعا مقفول.. عملت سيرش على رقمه على (ترو كولر) طلع (خالتي أم علي).. القصة بحكيها لواحد من قرايبي قالي حمايه لسه معموله معاه بالنكلة...فلنتعظ من هذه النمره".
يذكر أن أعمال خالد دياب الفنية فيلم "طلق صناعي" الذي عرض مؤخرا، الفيلم تأليف وإخراج خالد دياب وبطولة حورية فرغلي وماجد الكدواني ومي كساب ومصطفى خاطر وسيد رجب وبيومي فؤاد وغيرهم.