كتبت- شيرين فرغلي: تعجب الشيخ خالد الجندي، عضو المجلس الأعلى للشئون الإسلامية، من إصابة العديد من الناس بمرض التشيؤ، موضحا أن الناس تجمع كل الأشياء الزائدة عن حاجتها فى البيت دون الاستفادة منها. وتابع ، خلال حلقة برنامجه "لعلهم يفقهون"، المذاع عل فضائية "dmc"، اليوم الثلاثاء: "الناس عندها ثقافة السطوح، بيخزنوا فيه، حاجات لا يستخدموها، بدل ما يدوها لغيرهم ينتفعوا بها، فى ناس تفتح الدولاب بتاعها تلاقى عندها بدل من سنين ومش بتلبسها، طيب ليه ما يفدش بها غيره". واستكمل "لو كل واحد مننا طلع اللى عنده ونفع به غيره والله ما هيكون فى مسلم محتاج فى الدنيا". كما حث الجندي، المسلمين على إخراج ما زاد عن حاجتهم للفقراء، مشيرا إلى أنه انتظم فى الافطار على كسرة خبز وجبن هو وأسرته، وإخراج قيمة الفطار إلى المحتاجين. وأضاف : "أنا نفسى الناس تعمل كده، والله العظيم أنا كنت بفطر على كسرة خبز، أنا وأهل بيتى، وأنا الشيخ الوحيد اللى خسيت 2 كيلو، ومحصليش حاجة خالص".