شاهد.. أول رد للسيسي عن غلاء تذكرة المترو

أكد الرئيس عبدالفتاح السيسي أن تحدى الوقت من اكبر القضايا التى تواجه الدولة، قائلا: "عندى اصلاح اقدر اجله زى المترو؟ لا مقدرش لكن فى بديل للمواطنين الاشتراكات".
وقال في كلمته خلال فعاليات المؤتمر الوطني الخامس للشباب اليوم الاربعاء: "تذكرة مترو الانفاق كانت لابد ان تكون 14 و15 و16 جنيه ومقدرش اجل اكثر من كده ، وزير النقل قالى من سنة ان خط حلوان المرج سيخرج من الخدمة لانه
يحتاج لصيانه وسيتكلف 30 مليار جنيه لاعادة كفائته طب اجبهم منين ده القرض اللى اتعمل بيه الخط لسه متسددش".
واضاف انه يسارع الوقت لتقليل عجز الموازنة فى اقل وقت ممكن ،قائلا:"هى بلد كلنا هنشلها مع بعض هو انا خبيت عليكم حاجة وانا قولت ليكم فى الترشح الاول كلنا مع بعض ".
وتابع :"هو انتو بتركبوا اى
مواصله قطاع خاص وتقوله معيش، مش هيوقف ليك ولا هيركِّبك اصلا ، لازم نضحى ونتعذب عشان مصر.. يعنى اعمل ايه اقفل خط حلوان انا كدولة بحاول احل المشكلة ".
واوضح ان قرار ارتفاع اسعار تذكرة مترو الانفاق ليس بجديد على المصريين ، قائلا:"التحدى الموجود فى مصر اكبر من اى حكومة ورئيس، هى ضربت فى وزير النقل ده وبيطلع يقول سامحونى".
واضاف ان الدول لاتقوم الا بالقرارات الصعبة ،قائلا:"احنا بنحاول ناخد الاجراء الصالح للبلد لو مختش القرارات ديه محدش هياخدها ولو قولتوه ليا ارحل هقول سلامو عليكم ".
شاهد الفيديو..