غداُ.. أولي جلسات محاكمة ريهام سعيد

كتب - محمد علام:
تنظر محكمة جنايات القاهرة، المنعقدة بالتجمع الخامس، غدًا الإثنين، أولى جلسات محاكمة الإعلامية ريهام سعيد، في اتهامها وعدد من فريق العمل في نشر أخبار كاذبة والتحريض على الإتجار بالبشر.
كانت غرام عيسى معدة برنامج صبايا الخير المتهمة وأخرون على رأسهم الإعلامية ريهام سعيد، فى تهم اختطاف أطفال والتحريض على الخطف ونشر أخبار كاذبة و الإتجار بالبشر، قد نشرت بوست عبر حسابها على موقع التواصل الإجتماعي فيس بوك، بتاريخ 15 ديسمبر الماضى دافعت فيه عن ريهام سعيد وأثنت عليها وعلى برنامج صبايا الخير.
جاء ذلك بعدما قامت الفتاة المسماه إعلامياً بفتاة المول بنشر فيديو تدعو فيه للإنتحار ، قالت غرام :"أنا أول مرة هتكلم عن برنامج صبايا الخير ، بس لما شوفت الناس اللى عماله تظيط على الفيديو اللى نزلته فتاة المول أنها عاوزة تنتحر والحوارات دى، قررت أكتب البوست ده.
ووجهت سؤال استنكرت فيه مهاجمى ريهام سعيد قائلة لهم :" أنتوا تعرفوا أيه عن برنامج صبايا الخير وعن ريهام سعيد نفسها ، مجرد ما شوفتوا دمعتين من واحدة متعرفوش لا هى مين ولا وراها أيه فقررتوا تنتقضوا ريهام سعيد"
وتابعت:" ريهام بتساعد ألاف الأطفال من المرض ، وبتفتح بيوت لناس كتير من غير مقابل،بتساعد ناس كتير مادياً،بترسم الفرحة على وشوش مرضى السرطان والقلب،بتفتح مدارس للإطفال ذوى الإعاقة، وسبب سعادة ناس فقدوا الأمل أن ولادهم يعيشوا أو يتعالجوا، وبتجبر خواطر أمهات وأبهات ولادهم رمينهم، وبتنقذ ستات من أزواجهم المدمنين وتوفر لهم أماكن للإقامة بها بصحبة أطفالهم، بتعمل حاجات مفيش حد يقدر يعملها، ريهام سايبه ولادها وبتنزل للناس تشوف مشاكلهم".
واستكملت:" "صبايا الخير رقم واحد وهيفضل رقم واحد حتى لو مكملتش
فى البرنامج هيفضل ده كلامي، ريهام بتساعد وتدفع من جيبها كل شهر لناس كتير، ولو من فلوس التبرعات فالفلوس دى بتيجى لريهام علشان الناس واثقة فيها، وتابعت عمرنا ما روحنا لحد قولناله نصور معاك الناس هما اللى بتكلمنا علشان نصور معاها.
واختتمت :" أنا مبطبلش لحد وأستاذة ريهام مش عندى على الفيس ولا هتشوف كلامي، ولا هى مستنيه أن أقول كده .. بطلوا تنتقدوا حد انتوا متعرفهوش ولا تعرفوا بيعمل أيه".
الجدير بالذكرأن محكمة جنايات الجيزة ، المنعقدة بمحكمة القاهرة الجديدة بالتجمع الخامس ، تنظر بعد غد الأثنين أولى جلسات محاكمة الإعلامية ريهام سعيد و 7 أخرين احالتهم النيابة محبوسين إلى المحاكمة بعدما وجهت لهم تهم خطف الاطفال والتحريض على الخطف ونشر اخبار كاذبة والإتجار بالبشر.
وتضم قائمة المتهمين كل من:"عطية ناصر محمد ، محمد طه سيد" القائمين بخطف الاطفال ، إسلام خالد الوسيط بين البرنامج والخاطفين، وريهام عمرو عصمت وشهرتها ريهام سعيد "مقدمة البرنامج" وغرام عبد الفتاح عيسى وشهرتها غرام عيسى"المعدة " ومحمد راضى "المصور" ، أكرم النحاس "المنتج"، محمد أحمد صلاح ضمن فريق عمل البرنامج.