داعب الرئيس عبدالفتاح السيسي، اللواء كامل الوزير، رئيس الهيئة الهندسية للقوات المسلحة، قائلًا: "إنت مش عاوز تشتغل حاجة تانية غير اللي شغالين فيه". فرد "الوزير"، قائلًا: "يافندم أنا جاهز إحنا ال4 مشروعات قليلين علينا، بس طبقًا لتخطيطات الدكتور مصطفى مدبولي وزير الإسكان". ورد الرئيس مداعبًا "الوزير": "أسعارك إيه؟"، ليرد الوزير، قائلًا: "اللي دكتور مصطفى يقول عليه وسيادتك تؤمر بيه"، فيرد الرئيس: "أنا ببلاش إن كان عليا مش عاوز ادفع حاجة"، فرد قائلًا: "مش هناخد حاجة من الدولة يافندم، وجاهزين نجيب ناس والمدينة تكون خلصانة في نهاية 2019"، ليرد الرئيس: "هي والباقي". ووجه اللواء كامل الوزير، الشكر للرئيس السيسي، نيابة عن جميع العمال الذين يعملون في مشروعات الهيئة الهندسية، مشيرًا إلى أن هناك 5 ملايين عامل، سواء في مرتبات ثابتة، أو عمالة متغيرة، حملوه الشكر والتقدير على وثيقة التأمين التي أطلقها اليوم. فرد الرئيس السيسي: "طيب يبقى 12.5 مليار جنيه يا كامل"، فيرد الوزير، قائلًا: "مقاولينا جاهزين وموجودين هنا جاهزين يساعدوا ويساهموا"، فيرد الرئيس: "أنا مش عاوزهم يساهموا"، ليرد الوزير: "ده فرض عليهم يافندم". ورد الرئيس ضاحكًا: "يا كامل احنا عاوزين يحطوا الأموال دي ويخصموها براحتهم من العمال لكن مش فرض عليهم".