أولتراس الأهلى يطلق حملة "هدايا أم الشهداء"

يستعد جروب أولتراس أهلاوى غدا الإثنين، لإطلاق حملة لتجميع مبالغ بسيطة لشراء هدايا لأمهات الشهداء، والتى تقضى أول عيد أم بدون أبنائها.
وأصدر الجروب عبر صفحته على موقع التواصل الاجتماعى "الفيس بوك" صباح اليوم الأحد بيانا، أوضحت خلاله أماكن التجمعات والمناطق التى سيتم فيه استقبال تبرعات الشباب لشراء هدايا عيد الأم، ونص البيان كالآتى:
"يوم عيد الأم قرب، وفيه 74 أم هيقضوا أول عيد ليهم بدون ابنهم، واحنا كلنا ولادهم ولازم نبقي معاهم في اليوم ده ونعملهم حاجه تخفف عنهم ولو 1 % من اللي هما فيه بكره الاثنين 19-3-2012 المناطق كلها هتتجمع عشان يلموا فلوس عشان يقدروا يعملو حاجه كويسه اليوم ده للأهالي، التجمعات كالتالي: " الساعه 6 عند جاد بميدان الجيزة"، "رمسيس وشبرا مصر والازبكية والشرابيه قهوة ليالينا ف جراج ابو وافية بجوار مركز شباب الساحل - الخلفاوي الساعه 8"، "حدايق القبه والوايلى والزاويه والاميريه فى قهوه الغابه بجوار ميدان الاميريه الساعه8 "، "مدينة نصر الساعة 7 في قهوة محمود طه في الحي السابع"، "السيده - السيده عائشه - الاباجيه - المقطم - عابدين - الجماليه الساعه 7 على قهوه الحريه فى السيدة"، "مناطق صقر قريش و المعادي و حدايق المعادي و دار السلام الساعة 8 بقهوة ولي النعم في صقر قريش"، "شبرا الخيمه والقناطر وباسوس وقليوب يوم الاتنين الساعه 7عند كوبرى عرابى"، "مصر الجديدة - شيراتون - سراى القبة - الزتون - العباسية ، والمناطق المجاورة الساعة 7 عند كنتاكى الخليفة المأمون"، "امبابة.دقي.عجوزة.اكتوبر الساعة.7.قهوة ارابيسك.إمبابه عزبة الصعايدة".