السيسي: "كلفت وزارة الإسكان بمشروع عمراني يتعمل في سنتين سواء أنا موجود أو لأ"

الإسماعيلية- محمد جمعة:
قال الرئيس عبدالفتاح السيسي، إنه لا يخشى أي تهديد خارجي، مضيفًا: "محدش يقدر يقرب من أرضنا، الموضوع مش بالكلام، مفيش أي تهديد خارجي تخافوا منه".
وأضاف السيسي- خلال كلمته بافتتاح مشروعات قناة السويس، اليوم السبت-: "كلامي قليل بس مبخافش غير من حاجة واحدة، منكم انتوا يا مصريين، لازم تبقوا إيد واحدة وإحنا نتحدى الدنيا كلها، لأننا مش أشرار ولا متأمرين، ولا بنطمع في خير وأموال وأراضي حد، إحنا بنطمع في كرم ربنا يساعدنا نعمر، وهنفضل
نبني ونعمر".
وأضاف السيسي: "مش هقول سر ولا حاجة، بس في تكليف لوزارة الإسكان لمشروع قومي تخطيط عمراني متكامل، وبقول برضه إن كلامي قليل، بس المشروع ده هيتعمل في سنتين سواء أنا موجود ولا لأ الشغل مش بيقف على حد غير شعب مصر، إحنا بنخطط وبنفذ".
وأكمل: "الدفاع عن الأرض مش بالكلام، ده عرق وجهد وتضحية ودم، وإحنا كمصريين قدمنا تضحيات كتير، فيا ريت تطمنوا، ربنا بيساعد الصالحين اللي بيبنوا ومبيهدوش، وإحنا ولا بنخرب ولا بنضيع".