فيديو.. حساسين: ميسي أهان وزراء مصر

قال الإعلامي سعيد حساسين، عضو مجلس النواب، إن المبالغة في استقبال اللاعب الأرجنتيني ليونيل ميسي، أثناء زيارته للقاهرة، يُصغِّر حجم مصر ، متابعا: "اللي عاوز ييجي مصر؛ هييجي عشان يتفرج على حضارة 7 آلاف سنة، مش عشان ميسي جه".
وأضاف "حساسين" خلال تقديمه برنامج "انفراد"، على قناة " العاصمة" مساء اليوم الخميس أن هناك 6 وزراء في الحكومة الحالية ذهبوا لحفل ميسي في القاهرة، مستطردًا :" الوزراء استنوا ميسي من الساعة 6 ل الساعة 8.30 وهو اللي مكانش راضي ينزل ولا عاوز يقول كلمة في الحفل".
وتابع :" كان ممكن وزير السياحة ماشي ويحضر بعد ما ميسي يبدأ الحفل عشان يعرفهم إن الوزير في مصر قيمته كبيرة جدا ، بس لا يليق أن يهان وزراء مصر من لاعب كرة قدم مثل ميسي".