الفنانة زينة توجه رسالة لأحمد عز بعد البراءة

علقت الفنانة زينة على حكم براءة الفنان أحمد عز من قضية السب والقذف، التي رفعتها ضده.
جاء ذلك عبر حسابها الشخصي بموقع تبادل الصور والفيديوهات"إنستجرام"، حيث هنأته بحكم البراءة، قائلة: "مبروك براءتك من قضية السب والقذف في حقي، ولو إن مبروك من تهمة زي دي مش حاجة تشرف اوي يعني إنت ما أخدتش جائزة نوبل، وأنا ماكنتش هاسيبك تتسجن علشان ولادك مايبقاش أبوهم رد سجون".
وطالبت زينة، عز بعدم إعادة الحديث عن أبنائهما، موجهة له: "لو جبت سيرة ولادك وقضية النسب دي تاني هايكون ليا تصرف تاني معاك وبالقانون لأن القضية دي اتقفلت لآخر يوم في عمرك".
وتابعت زينة: "بطل كدب وبطل تضحك على الناس لأن الناس مش هبلة، وخلاص اتلهي في شغلك ومعجباتك اللي تعرفهم معرفة شخصية من قلتهم، وكفاية بقي فيلم محترم ده علشان ماحدش بيصدقه غيرك، الناس عرفت حقيقتك وياريت تبطل تستغبي الناس ".
وكانت محكمة جنح مستأنف مدينة نصر، قد قضت، اليوم الثلاثاء، ببراءة الفنان أحمد عز، وقبول الاستئناف المقدم منه على حكم حبسه 3 سنوات مع الشغل، وكفالة ألف جنيه وتغريمه 15 ألف جنيه، لاتهامه بسب وقذف الفنانة "زينة"، عقب تقدمه ببلاغ ضدها ينفي فيه نسب طفليهما.