مجدي الهواري عن مهرجان القاهرة السينمائي: "حاجة تحزن"

انتقد المخرج مجدي الهواري زوج الفنانة غادة عادل مهرجان القاهرة السينمائي الدولي التي انطلقت فعاليات دورته ال38 مساء الثلاثاء بحضور الكاتب الصحفي حلمي النمنم وزير الثقافة، والدكتورة ماجدة واصف رئيسة المهرجان، وعدد من نجوم الفن والدراما، بسبب السلبيات التي ضغت على فعالياته خلال أول يومين للمهرجان، بخلاف سوء التنظيم الذي أدي إلى تذمر عدد من الفنانين والفنانات.
وقال مجدي الهواري: "أتذكر أول دورة لمهرجان القاهرة السينمائي حضرتها كان رئيس المهرجان الراحل سعد الدين وهبه، وكان المهرجان حاجة آلاجة علي الآخر شياكة إيه ، وحضور إيه وتنظيم إيه ، وأفلام إيه ، ونجوم من كل العالم إيه ..كان مهرجان بجد يشرف ثقافي وإبداعي وسينمائي عالمي".
وتابع :"بعدها حضرت لما كان المهرجان برئاسة النجم حسين فهمي، وبإشراف الأستاذة سهير عبد القادر تلميذة الراحل ، وكان كمان حاجة رفيعة المستوي وكان أهم مهرجان في المنطقة كلها وبجد كان اسمه مهرجان القاهرة السينمائي الدولي".
وسخر مجدي الهواري قائلاً: "وبعد كده ومن كام سنة قالولنا وأحنا في عز الثورة يلا يلا بسرعة إسرائيل عنيها على المهرجان لو متعملش السنة دي وكل الفنانين دعموه إحنا روحنا في داهية وهياخدوا مننا المهرجان، يا خراشي يا خدوا مننا إيه، ومين!! إسرائيل كمان".
وختم مجدي الهواري حديثه قائلاً: "السنة دي حاولوا يلعبوا نفس اللعبة بس النجوم فهموا بقي اللعبة ومحدش راح وليهم حق بصراحة .. وكمان ليهم حق بتوع العدة يشيلوا العدة، حد يجيب صور مهرجان قرطاج اللي من أسبوع لو سمحتم وشوفوا بنفسكم الفرق".