فيديو..غنيم: اثبتوا يا شباب التحرير

وصف الشيخ وجدى غنيم الشباب فى ميادين التحرير بالأبطال، والأسود الشجعان، موجها كلمة لهم بثها عبر موقع "يوتيوب" أمس الإثنين، ووصفها ما يحدث بأنه لحظة تاريخية، قائلا:"اثبتوا، إنما النصر مع الصبر، إن شاء ربنا هينصر ثورتنا من أيدى هؤلاء الخونة، صعب عليكم صحيح لكن معلش ربنا هينصركم،
"كتب عليكم القتال وهو كره لكم"، بيقاتلونا المجرمين وعاوزين يضيعوا دماء الشهداء ومعاناة الجرحى، داخلين على 10 شهور وإيه اللى حققناه، اثبتوا يا شباب ربنا هينصركم، متبصوش للمتخاذلين اللى مش عاوزين يضحوا، اللى قاعدين يبصوا التورتة اتعملت ولا لأه علشان يروح ياخد نصيبه، هذه هى اللحظة اللى بيبان فيها الرجال، أحيى كل رجال مصر الشجعان مهما كان دينه".
وقال فى مقطع آخر:" انتخابات إيه، هوه ده جو انتخابات، ده جو خيانة، كل شوية يعينوا المنخنقة والمتردية والنطيحة، فين الشباب بتاعنا، أقول أخيرا للمنضمين للمجاهدين من الأمن المركزى والضباط والجيش مع شباب التحرير، أنتم أبطال، ورونى كده اللى انضموا للقذافي وغيره هيروحوا فين، لسه فيه آخرة، هتروحوا فين، اثبتوا يا شبابنا يا أبطال".
واختتم غنيم حديثه بدعاء طويل لمصر والمتظاهرين بميادين التحرير فى مصر.