شاهد.. "شاومينج" يقرر تعديل درجات طلاب الثانوية العامة بالكنترول بمقابل مادي

أعلنت صفحة "شاومينج بيغشش الثانوية العامة"، عن مقدرتها في التلاعب بدرجات طلاب الثانوية العامة عبر الكنترول، وذلك بمقابل مادي وصفته ب"البسيط".
وكتب "شاومينج" خلال صفحته على "فيس بوك"، قائلًا: "بعد معرفه آراء جميع الطلبة والأخذ برأي الأغلبية قررنا إننا هنعدل في النتايج من الكنترول، وطبعا لأن الطلبة كتير جدًا ومش هنقدر نغير للكل مرة واحدة يبقا لازم يبقا فيه نظام".
وتابع: "اللي حابب يرفع الدرجات بتاعته يتواصل معانا علي الرسائل الخاصة بالصفحة وهنفهمه أكتر ازاي هنرفعله الدرجات، ونرجو أن اللي عاوز يغير الدرجات فقط هو اللي يتواصل معانا علشان فيه ضغط علي الرسائل ومش هنعرف نرد علي الكل".
وأضاف: "كله يعمل ‫شير للبوست علشان كل الطلبة تعرف وكله يستفاد.. ملحوظة: رفع الدرجات هيكون بمقابل مادي بسيط علشان الكل يبقا عارف قبل ما يتواصل علشان ميقولش اننا بنستغل حد، ده غير ان رفع درجات أي مادة هيكون ليه حد أقصي للرفع".