الأقوال المستباحة في النقد والصراحة

* إلي اللواء منصور العيسوي وزير الداخلية
لو عايز تعمل أعظم
خطة أمنية
لنجاح الانتخابات البرلمانية
كلف الوزارة من بكره الصبحية
يقبضوا ع الحرامية والبلطجية..!!!
* إلي المخرج خالد يوسف
بيقولك المعلم جرجير
المهرجان اللي يجامل مخرج كبير
بميت ألف جنيه وشهادة تقدير
ميبقاش مهرجان سيما
يبقي مهرجان حناطير..!!!
* إلي جماهير نادي الزمالك
مصر كلها حزينة علشانكم
وتشاطركم الأحزان
في ضياع الكاس منكم
ولا أراكم الله مكروهاً في
مجلس إدارة لديكم..!! "الفاتحة"
* إلي الموسيقار محمد سلطان
بيقولك الشاعر الفصيح
الساكن في عزبة الصفيح
مادام حقوقنا في الجمعية ضايعة
ريحنا واستريح
ونادي لعم صابر
سلمه المفاتيح..!!!!
اللي ميحترمناش
ميلزمناش..!!!
إلي الكابتن مختار مختار المدير الفني لفريق إنبي
اللي ضميره سليم وسالك
ينجيه ربنا من المهالك
وياخد الكاس من الأهلي والزمالك!! "مبروك"
إلي النجمة الشابة ميّار الغيطي
بتقولك خالتك بهية
فداكي ياحبيبتي خمسين عربية
المهم النجاة من الديابة
وخرابيش البلطجية..!!!
إلي مبني ماسبيرو للاذاعة والتليفزيون
بعدما كان مكانك قبلة للاعلام والتنوير علي مر الزمن
صبحت ملعب للاعتصامات
والمؤامرات والمعارك والفتن..!! ياخسارة..!!
إلي الحاج سمير زاهر رئيس اتحاد كرة القدم
اللي يبيع الدوري العام
لدولة قطر
يبقي بيعرض مستقبله للخطر..!!!
* إلي ضامن العدالة الدكتور جودة عبدالخالق وزير التضامن
لو عايز تدخل الجنة
وتلاقي قصر وعشر فدادين
وطابور طويل من الحور العين
إمنع الفساد وإهدار مال الأعضاء
في جمعية المؤلفين والملحنين..!!!
* إلي الكاتب الكبير قوي الأستاذ أنيس منصور
كل حروف رواياتك
بتدعي لك بالصحة والسلامة
طول حياتك
وتعيش وتواصل ابداعاتك..!!!
* إلي نجم الزمالك محمود شيكابالا
بيقولك عمك الشيخ بخيت
ملك الفتاوي والحواديت
عمرك في الملاعب علي كف عفريت..!!!
* إلي الإعلامي وجدي الحكيم
عايز أقولك واللا أقولك
مش حقولك
ما انت عارف قصدي ايه
من غير م أقولك..!!!
--------------
بخيت بن بيومي صاحب المساحة