بعد فيليكس.. مرسي يقفز بدون مظلة وصباحي يطلب إعادتها!

تعليقات ساخرة على "الفيس بوك"

دخل رائد الفضاء فيلكيس بومجارتنر التاريخ بعدما حقق بنجاح قفوة هي الأولى من نوعها من الفضاء الخارجي إلى كوكب الأرض ، وفور تنفيذ القفزة بنجاح أنهالت التعليقات الساخرة من المصريين على مواقع التواصل الاجتماعي "فيس بوك" و "تويتر" .
وتساءل البعض ماذا لو هبط رائد الفضاء الأمريكي في مصر.. ماذا سيحدث؟ ، حيث كتبوا تعليقات غاية في السخرية على لسان أبرز الشخصيات المصرية ومنها:
حمدين صباحي: لو كنت رئيس كنت نطيت أحسن من فيليكس ،، ولو تمت إعادة النطة الآن سأحقق الرقم القياسي
محمد البرادعي: هذه النطة بدون صلاحيات ، ولا يمكن أن أشارك في هذه التمثلية .. قفزة فيليكس في الجو قبل الدستور هو منتهى الديكتاتوريه
عبد المنعم أبو الفتوح: أيها الشباب إياكم وأن تعتمدو على الأجيال المتكلسة ،، نطو أنتو أنا قاعد مش ههوب
محمد مرسي: أنا هنط بدون مظلة واقية
أبو إسماعيل: أنا سعيد أنك قفزت القفزة دي
المعلم صبري نخنوخ هو أول واحد وقف جنبي وعلمني النط
الفلول هيقولو النطة دي فوتوشوب
عدلي القيعي هيمضيه للأهلي
التلفزيون المصري هيشغلنا أغنية والله وعملوها الرجالة
وطبعا النطة هتتحسب من إنجازات مشروع النهضة
عصام العريان: فيلكس أصلاً كان عضو في جماعة الاخوان ..لم يكن لينجح لولا دعم الجماعة له
عبدالمنعم الشحات: أصلا القفز حرام وفيليكس ده علماني فاجر نط برجليه الشمال وهو من أهل اليسار
وجدي غنيم: أحنا بنعرف ننط زيكوو يا شرا... يا أنجاس
عمرو مصطفي: القفزة ديه فوتوشوب وهتلاعبني بالقفزات هلاعبك أنا عارفك كويس يا عدوي
عمرو حمزاوي: أهنئ فيليكس بهذة القفزة الرائعة الحلزونية اللامركزية المحورية علي خط الاستواء عموديا علي الكوكب
الثوار: إزاي يقفز فيليكس قبل حق الشهيد ؟
الإخوان: إحنا أول من دعي للقفزة
أحمد شفيق: إيه
أنباء عن أن فيليكس ماسك المكنة بتاعته وبيعمل خمسات قدام قبر نيوتن ومشغل أديك تقول مخدتش
فيليكس يوصل من الفضاء للأرض في 3 دقائق وأنا أروح شغلي اللي في نفس الكوكب والبلد في ساعتين
الله يرحمك يا مقدس نيوتن .. لو كنت عايش كنت كلت ضرب السنين من الناس اللي زاكرت قوانين الجازبية وطلعت اشتغالة
فيليكس في أول تصريحاته: أنا بهدي القفزة دي للمعلم صبري نخنوخ هو اللي وقف جمبي وساعدني في حل مشاكل كتير قابلتني لحد ما حققت حلمي
وأخيرا .. فلكس يعترف: أنا مش إخوان لكني رشحتهم في البرلمان وأهدي قفزتي للرئيس محمد مرسي راعي القفز والقفازات