بعد إشارة رابعة.. «دبوس 6 أبريل» تهمة جديدة في زمن الانقلاب

قوات الأمن اعتدت على فتاة في كمين

لم يعد أحد في مأمن من جرائم الانقلاب.. فبعد يومين فقط من اعتقال الطالب عبدالله عاصم «المخترع الصغير» كشفت إحدى عضوات حركة أبريل عن جريمة اعتداء ارتكبتها قوات الانقلاب في حقها بتهمة «حيازة دبوس الحركة».
وروت المهندسة داليا رضوان، عضو حركة أبريل تفاصيل الاعتداء الذي تعرضت له من قبل قوات الأمن بأحد الكمائن بالإسكندرية.
وقالت رضوان في روايتها التي نشرتها الصفحة الرسمية لحركة شباب 6 أبريل «يوم الخميس الساعه 11 وانا راجعه البيت فالعجمى كمين شرطه وقف الميكروباص الكنت راكبه فى وكان مُصر يفتش كل الناس ستات ورجاله
طبعا التفتيش كان بطريقه مهينه اخد الشنطه وفتشها وكان فيها دبوس الانطلاقه (6ابريل) .... قالى انتى بقى من شوية العيال بتوع 6 ابريل ..
قولتله فى مشكله قالى لا مش هنتكلم هنا بقى ... كان معاهم ميكروباص تانى فىه ناس طلب منى اركب قولتله انا معملتش حاجه وحضرتك ملقتش معايا مخدرات هتخدنى ليه ؟
شدنى من الطرحه وقالى انتى معاكى الانيل من المخدرات .... طلبت اتصل بابا مردوش موبيلى كان فى ايدى جيت اكلم بابا واحد من الكانو فى الميكروباص ضربنى بالقلم منخيرى كانت بتنزف وفى عين ماكنتش شايفه بيها .... شتمته وقولته انتم حيوانات والبتعملوه دا علشان احنا احسن منكم مليون مره ضربنى بالاقلام تانى واخد منى الموبيل
شتيمه محترمه ... كان ردها الطبيعى شتيمه منى انا كمان
محاوله للاتصال ببابا
ثم ضرب قلمين تلاته اربعه مش عارفه العدد الحقيقه لسرعة الاداء عند الساده المخبرين
بعد نقاش صغير سمحولى اتصل ببابا
انتظار طويل من منطقة ال 21 لقسم الدخيله فى ميكروباص شرطه مع ناس مش عرفه هما شرطه ولا مجرمين زى
سيبكم من كل دا ..... كان قدامى حل من اتنين
اتصل بحد من المحامين او ابعت المسج المعتاد الموجود على تليفونات الكل واسيب الامور تاخد مجراها بالشكل الطبيعى
او اكلم بابا و الموضوع يخلص قبل حتى ما ادخل القسم والناس المقربه منى عارفه بابا وعارفه مميزات الموضوع وعيوبه كمان
بعد تفكير دقيقتين قررت اكلم بابا .... لسبب بسيط جدا لانى خوفت اكون رقم فى كشوف معتقليكم قبل ما ابقى رقم فى كشوف الدخليه ... كام بوست على كام هشتاج .... و اتنسى
فرق كبير اوى بين انك تدافع عن مظلوم انت مؤمن بحقه وبين احساسك بالظلم والعجز»