شريف منير: برفض أدوار عشان مش حلوة رغم إن فيه أوقات بكون مزنوق وعاوز فلوس

حل الفنان شريف منير، ضيفا على برنامج "كلمة أخيرة" للإعلامية لميس الحديدى، المذاع على قناة ON، وتحدث عن بداياته قائلا: "عملت مشوار مش بطال هو كان متعب ونتج عن التعب ده متعة، وحطينى في حتة ان لازم أخد بالى في اختيار أعمالى وده أثر عليا في عدم ظهورى بشكل كبير؛ لأن مش كل حاجة بتعجبنى، لدرجة أن أحمد رزق في مرة قالى انت هتبطل تمثيل، لأنى قعدت 3 سنين بدون شغل بسبب ان مش عاجبنى حاجة".
وتابع شريف منير: "شغلى مع فنانين كبار أمثال عادل امام ومحمود عبد العزيز وأحمد زكى وقدمت أعمال حلوة كتير جعل تاريخى وضميرى الفني يرفض الحاجة اللى متعجبنيش وأحيانا بكون مزنوق وعاوز فلوس عندى مصاريف زى الناس، بس بلاقى نفسى مش قادر أعمل حاجة مش مقتنع بها".
وعن عمله مع سهير البابلى قال شريف منير: "اشتغلت معها في بكيزة وزغلول في بداياتى وكان دورا قصيرا لكنه مؤثر؛ لأني كنت تقريبا أول شخص يعمل دور مدمن، وكان وقتها شخصية جديدة ومختلفة، واشتغلت معها كمان في مسرحية اسمها "نص أنا ونص انتى" لها هي وإسعاد يونس وكان دورا أساسيا وكبيرا.
وأضاف شريف منير: "تصادف وقت تصوير بكيزة وزغلول حادث سخيف وهو وفاة صلاح جاهين وعلاقتى بيه كانت قوية، أنا كنت عايش عنده في بيته 7 سنوات واتعلمت منه كتير، واتعلمت منه الكرم، وبيكلم كل الأعمار وشوفته كتير في جلسات مع سعاد حسنى، وكان لما بيأهلنا لدخول المعهد وقبل ليلة تقديم المعهد كان بيدخل عليا بصينية الأكل عشان نفطر أو نتغدى وبياكل حاجات بسيطة، وخلانى خضعت لاختبار صعب لما خلانى أمثل المشهدين أمام باقة من الفنانين كانوا بسهرة لديه في المنزل وسقفوا ليا ونجحت بعد ذلك في المعهد".
وعن سهير البابلى قال شريف منير: "كان عندها عفوية غير طبيعية وارتجال مش معقول ومفاجئ وتخلى الناس تتنطط من على الكراسى ودمها خفيف في الكواليس وعلى المسرح وإيقاعها سريع، وسهير البابلى أفتكر لها موقف كانت نسيت الكلام على المسرح وارتجلت في كلام كتير أوى وسألتها عملتى إزاى كده قالتلى يا بنى دى سنين".
شريف منير برفض أدوار عشان مش حلوة بالرغم ان في أوقات بكون مزنوق وعاوز فلوس
شريف منير برفض أدوار عشان مش حلوة بالرغم ان في أوقات بكون مزنوق وعاوز فلوس
شريف منير برفض أدوار عشان مش حلوة بالرغم ان في أوقات بكون مزنوق وعاوز فلوس
شريف منير برفض أدوار عشان مش حلوة بالرغم ان في أوقات بكون مزنوق وعاوز فلوس
شريف منير برفض أدوار عشان مش حلوة بالرغم ان في أوقات بكون مزنوق وعاوز فلوس