ننشر ردود فعل الطلاب بعد مؤتمر "وزير التربية والتعليم"

سادت حالة من التفاؤل علي مواقع التواصل الاجتماعي، بعدما أعلن وزير التربية والتعليم محمود أبوالنصر نسب النجاح للثانوية العامة.

وقال أحد المغردون ردًا علي الوزير: المؤتمر خلص ..هيعملوا فينا إيه دلوقتي، مضيفة أخري: نسبة النجاح في أدبي أقل..ده انا جايب مجموع في الثانوية العامة محدش جابه 51% يعني ممكن ادخل اي كليه ..متابعًا أخر عايز تطلع دكتور وتفضحنا يا محي.

وأردف أخر: انا بفكر انام و اصحى على الخضه عشان اقطع الخلف و مش اجيب عيال يتعلموا فى البلد دى و يتدمروا زايى، معلقًا أخر علي النسبة: نسبة زي الزفت طبعا.

وكتبت طالبة: قلبي ع النتيجة انفطر وقلب النتيجة عليا حجر، مشيرًا أخر: ياجماعة الثانوية مش نهاية العالم والله ،، ان شاءالله لما تدخلوا الجامعة هتعرفوا بجد ان دي بداية المستقبل وربنا معاكوا .


وكان الوزير قد أعلن أن نسبة النجاح في الثانوية العامة بلغت 6ر76%، جاء ذلك خلال مؤتمر صحفي لإعلان نتيجة الثانوية العامة الآن.

وأضاف الوزير الآن: أن نسبة النجاح في الشعبة الأدبية بلغ 68% والشعبة العلمية 82% ، موضحًا أن نسبة النجاح في نظام الثانوية العامة القديم بلغ 82% .