«آسف ياريس» ل«السيسي»: «ارفع سعر السجاير وبلاش البنزين»

علقت صفحة "أنا آسف ياريس" أكبر الصفحات المؤيدة للرئيس الأسبق حسني مبارك على قرار رفع أسعار المواد البترولية من خلال تقديم اقتراح للرئيس عبد الفتاح السيسي لحل الأزمة.
وكتبت الصفحة على فيس بوك: "فكرة من إدارة الصفحة مطروحة للمناقشة: هو ليه المشير السيسي مثلًا ميرفعش سعر السجاير الضعف ويمنع أستيراد السجاير المستوردة من بره - والمدخنين بجبرون على شرب السجاير المحلية.. أولًا يبقى وفر مليارات بتروح للغرب عن طريق منع استيراد سجايرهم وثانيًا دخل المليارات اللى كانت بتتصرف على استيراد السجاير المستوردة من الخارج دى جوه البلد عن طريق شراء المنتج المحلى".
وأضافت الصفحة: "ثالثًا فرق السعر اللى هرفعه ده يدخل خزينة الدولة بدل ما ارفع سلعة أساسية زى البنزين والكهربًا مثلا وهيبقى أكبر كمان من السعر اللى رافعته على البنزين رابعًا الحل دة مش هيمس أسعار النقل ولا المواصلات وإلا الغذاء زى البنزين ولا هيعلى أجرة المواصلات على المواطنين الغلابة.. خامسًا في ناس كتير بعد ما يتم رفع أسعار السجاير المحلية هتبطل واهو يبقى قللت من أخطار السجاير الصحية على الناس...!".
وتابعت الصفحة: "فكرة هتدخل مليارات بدون ما تولع البلد وأقدر أطبق النماذج دى على أكتر من سلعة بستوردها من الخارج وبكده أتجنب الاقتراب من السلع اللى بتمثل خطا أحمر للشعب!".