كلمة و نصف في حب مصر

بعد غد تحتفل مصر بالذكري الأولي لثورة يناير المجيدة. وفي الحقيقة لم أجد ما أكتبه في هذه المناسبة سوي بعض الكلمات التي سطرتها بتاريخ 14 فبراير 2011. أي بعد 3 أيام من سقوط النظام ورحيل مبارك. لكن لم تكتب هذه الكلمات أن النور وقتها. وأعتقد أنه قد حان وقتها.
هاقول علي البلاد ديه كلام
كان لازم من زمان يتقال
رجالة ولادها رجالة
ووقفتهم كانت وقفة رجال
يا أم الشهدا لا تبكي ولا تحزني
ولا دمعة تنزل علي الأبطال
النهاردة يوم فرحك
قومي وطهري جرحك
ده الدنيا بتصالحك
بعتالك وبتقولك:
الظلم غاب والهم زال
مبروك عليكي ولادك
يا أم العيال
كبروا وصبحوا رجالة
هزموا الصعاب وقهروا المحال
مبروك يا مصر نصرك
رب العباد حافظك
لا ف يوم هاتركعي
ولا يوم هاتخضعي
ولا يتحكموا فيكي أندال
أحلف بروح الشهدا
وبالدم اللي سال
هاتقومي من كبوتك
هاتفوقي من غفوتك
مهما الوقت طال
والفرح جاي علي أي حال