فلان: فينك من كام يوم ماحدش شايفك علان: باحرس الكنايس عشان اعياد الاخوة الاقباط كل سنة وهما طيبين فلان: تحرسها من ايه؟ علان: من العقول المقفولة؟ فلان: بس العقول المفتحة أكثر وصوتها أعلي وبعيد عن الكلام العبيط بتاع عنصري الأمة والنسيج والغزل الواحد علان: برضه الحرص واجب والدنيا ملخبطه وعايزين الأيام تعدي علي خير.. والمشرحة مش ناقصه. فلان: بس السلفيين قالوا انهم هيحرسوا الكنايس؟ علان: وطلع واحد بزرميط قال كلام يغيظ؟! فلان: البزرميط موجود في كل حتة ولازم نصطاده لانه خطر علي البلد كلها وبعدين كفاية ناخذ معلوماتنا من النت.. لان محمود ممكن يعمل نفسه شنوده.. وجرجس يقول علي نفسه "بلال" علان: كلام مضبوط وعلي رأي المثل اللي بيقول: في زمن قناة "التت" اللي يتلسع من الاعلام الكذاب ينفخ في "النت"!!