قصيدة : علشان مانلومش الزمان

علشا ن ما نلومش الزما نودارت بينا الأيام علينا من تانى .. لحظاتنا بتمر فى تقل الجبال .. حتى نبضات قلوبنا صبحت تئن وتعانى .. أكلنا وهم وتمنى .. شربنا ذل وهوان * لونتوا أيامنا بلون العذاب .. وعودكم كلها صبحت سراب .. سقط قناع الزيف .. عيونكم فضحت عيوبكم .. وعن كلامكم الصدق غاب .. بمصيرنا قامرتوا وغامرتوا .. وفى النهايه خسرتوا نفسيكم والرهان * عيونا زالت غشاوتها .. خطوتنا عرفت سكتها .. تعبت الروح من غربتها .. مصر كارهين ليه جنتها ؟ 00 على ايدكو بتنزف دمعتها 00 لحظاتنا بتندم وتقول 00 ياخساره على كل اللى كان * فرصتكم وانتو أخدتوها .. باديكم ليه ضيعتوها ؟ .. الحكم مش لعب تسالى .. وطنا ده غالى علينا .. نفديه بدمانا وعينينا .. راسمين حروفه ف ملامحنا .. باقى هو ولو رحنا .. ثورتنا قايده فى قلوبنا .. لا انس هيقدر يغلبها ولاحتى جان * ايد واحده كلنا .. قلب واحد نبضنا .. حبك سلاحنا يا مصرنا .. فاتحين صدورنا لنار الغدر .. هزمنا الخوف ومحينا الذل .. جمعنا صفوفنا بكلمة لأ .. طريق الحريه هنرويه بدم الحق .. ارادتنا سلاحنا .. طلقاتنا ايمان * ايه فايدة نسمع شعارات ؟ .. احساسنا بيها طعنات .. حروفنا بتنزف آهات .. شوهتوا روحنا وملامحنا .. فين وديتوا منا الانسان ؟ * حقوقنا هتجيبها ايدينا .. محدش بيمن علينا .. مفيش خونه فى وسطينا .. ولاحاكم يتحكم فينا .. وحدة كلمتنا بتحمينا .. من اى فرعون او ظالم .. دايما يرويه دمع عينينا .. كرامتنا هي عنواننا .. مستحيل تعملوا منا .. كيان ملوش ابدا معنى .. ملوش شكل .. ملوش عنوان * لحظة نهايتكوا قريبه جدا .. هتقضى على كل مافيكم .. تراب وطنا بيكرهكم .. يتمنى مايشوف خطاويكم .. ياللى مااخلصتوش لبلدنا .. مين فينا ممكن يخلص ليكم ؟ .. ده حتى العز وياكم .. هو نفسه ذل وهوان * قمنا بثورة حريه .. كانت لينا أمل بنحلم به وأمنيه .. كانت بينا نقيه قويه .. لحد ماانتوا سرقتوها .. وسلبتوا كمان كرسى السلطه .. مش معنى ان انتوا حكمتونا .. ان احنا هنركع قدامكم .. لالهنا وبس احنا بنركع .. لاتقوللى شاطر ولاعريان * صبرنا عليكو شهور وشهور .. حرمتونا حتى من ضى النور .. فين الجنيه فين البترول .. وازاى نشغل اى موتور؟ .. معاكو انتحرت احلامنا .. غرقت سفينة ايامنا .. كفايه دمرتوا حياتنا .. شعاراتكم طلعت زيكوا أوهام .. سياستكم فى قلب وطنا .. بتزرع فينا غل وألغام .. نفوسكم احاسيسها عليله .. شجره ولكن طارحه بركان * وحدتنا صمامنا وأمانا .. ألاعيبكم موش بتفرق بينا .. صليبنا وهلالنا بيهدينا .. دايما فى ليل الأزمات .. لابنعرف كره ولا عداوه .. قلوبنا بنرويها محبه .. تمحى كل الآهات .. هنضمك يامصر ف أحضانا .. بنحبك بروحنا وايمانا .. هنحقق بايدينا أملنا .. ونرجع بسمة أوطانا .. محدش غيرنا هيحكمنا .. مشتاقه لرصاصكو صدورنا .. لو سال من الدم بحور وبحور .. على أرضك انت يامحروسه .. طريقنا هو طريق النور .. هنحطم احنا خلاص .. ونحرر منا كل أسير.. بايدينا يامصر انتى عروسه .. قلوبنا تزين ميادينك .. قتلونا أو شربوا دمانا .. ياغاليه احنا موش ناسينك .. حتى لو روحنا بننزف .. دمانا دى تاج على جبينك .. بنحبك يامصر قبل الأوان والمكان .. بنحبك ماانتى ابتسام الحنان .. هنحرر ترابك لآخر نبضه ف قلوبنا .. علشان مانلومش بعد فوات الأوان الزمان *