أبوالعرايس: الدولة حنينة مع المواطنين

قال سامح أبو العرايس، مؤسس حركة "أبناء مبارك"، إن الدولة لا تريد زيادة العبء على المواطنين بفرض ضرائب إضافية، مشيرا إلى أن الرئيس عبد الفتاح السيسي يعي ذلك، لذلك طلب التبرع ب"جنيه" من المواطنين.
وكتب أبو العرايس عبر "فيس بوك": "بالنسبة للشباب الكيوت اللي مش عاجبهم صبح على مصر بجنيه وقلبوها تريقة. خلاص المفروض نمشيها زى أوروبا وأمريكا اللي انتم منبهرين بيها. بيعملوا ايه بقى الدول دي لما بتبقى عندها عجز موازنة وأزمة اقتصادية ؟ بتوقف زيادة مرتبات الحكومة أو تخفضها وممكن تفصل موظفين.. وبتفرض ضرائب زيادة على المبيعات والبنزين والكهرباء وبتلغي الدعم و بتزود رسوم الخدمات الحكومية".
وأضاف أبو العرايس:"وبدل ما يقولك صبح على بلدك بجنيه بيفرض عليك قد الجنيه ده عشر مرات ضرائب بالعافية تتخصم من رصيدك في التليفون، لكن احنا علشان في دولة حنينة والحكومة خايفة تلزم الشعب بزيادات فرئيس الدولة بيقولك من فضلك أتبرع بجنيه، ويا ريت عاجب !!".
وقال الرئيس عبدالفتاح السيسي خلال كلمته بمؤتمر تدشين مبادرة رؤية مصر 2030 بمسرح الجلاء اليوم الأربعاء، إنه "لو 10 ملايين مصري ممن يمتلكون موبيلات صبح على مصر بجنيه واحد هنجمع في اليوم 10 ملايين وفي السنة مليارات.. لدعم مصر".