فيديو: عمرو الليثى يصرخ "يا وزراء مصر البلد بتغرق"

قال الاعلامى د.عمرو الليثى فى مقدمة حلقة برنامج واحد من الناس ان مصر بتغرق ..يا مسئولين مصر بتغرق ..ياوزراء مصر بتغرق ..ياحكومة مصر مصر بتغرق ..ولا حياة لمن تنادي ..
واوضح الليثى عندما قمنا بنقد ما حدث فى نواة الاسكندرية الاولى من اسبوعين قلنا درس وهنتعلم منه ..لكن لما تيجي شوية امطار تقتل 10 في البحيرة وتغرق نص المحافظة وتتشل الحياة تماما في مصر كلها علشان مش عارفين نستعد للامطار..اللي الارصاد بتحكي عنها كل يوم ومن اسبوع دا يبقي الفشل بعينه
وتسأل الليثى أين الاجهزة التنفيذية فين المسئولين فين فرق الانقاذ ، محدش نزل الشارع يساعد الناس الغرقانة والتى دخلت المياه بيوتهم واغرقتها ، اين المسئولين كانوا نايمين وماخدناش منهم غير تصريحات
الناس كانت بتموت في وداي النطرون ومحافظ البحيرة خرج يقول ان الأمور تحت السيطرة .ما هذه السيطرة حتى ذهب رئيس الوزراء بنفسه عندما تاكد انه لا توجد سيطرة ولا حاجة
واضاف الليثى متسائلاً ارواح الناس اللي راحت دي مسئولية مين ..والخسائر اللي الناس خسرتها مين هيعوضها البيوت اللي غرقت والبضاعة اللي تلفت مين مسئول عن كل ده يا حكومة
واشار الليثى بان الحكومة التى لا تستطيع ان تسيطر علي شوية مطره مستمرتش غير 15 دقيقة في الشيخ زايد واكتوبر تبقي حكومة فاشلة الناس اللي قعدت في عربياتها 4 ساعات علشان الشوارع غرقانه في اكتوبر دول يحاسبوا مين
الحقيقة انا مش لاقي حاجة أقولها غير ان دول مسئولين مستهترين لازم يتحاكموا كلهم بتهم الأهمال ، دي حكومة فاشلة قبل ذلك طالبنا باقالة محافظ الاسكندرية وهناك من يطالب باقالة محافظ البحيرة ، هذه الحكومة فاشلة ويجب ان تتقدم باستقالتها وهى من افشل الحكومات التى سقطت فى فترة قصيرة فى نظر المواطنين ، الحكومة التى لا تستطيع ان تحل مشاكل بسيطة فى المحليات لا يوجد لها مكان بيننا ، والناس شبعت من الكلام والوعود والتصريحات .