"القرموطى" لمحافظ الإسكندرية: "مش بترد علينا ليه؟ أنت فاكر نفسك أوباما؟"

وجه الإعلامي جابر القرموطي، رسالة إلى محافظ الإسكندرية، الدكتور هاني المسيري، قائلاً: "حضرتك فاقد الاتصال بالإعلام، ومحافظتك مش عارفين نكلمها، ولا قادرين نوصل لأى مسئول فى المحافظة، لو حضرتك مش عايز تتكلم عين متحدث باسم المحافظة يتكلم، دا إحنا بنكلم الرئاسة يا أخي، يبقى إزاي مش هنعرف نكلم حضرتك؟ إيه ده فى إيه يعني؟ إحنا بنكلم أوباما!".
وأضاف القرموطي، ببرنامج "مانشيت"، المُذاع عبر فضائية ONTV، قائلًا: "لا نائبتك بترد، ولا أنت بترد، ولا فى أى مسئول عندك بيرد، أمال إنتوا جايين تعملوا إيه؟ إحنا مش عايزين منك حاجة، لكن محافظتك هي اللي مليانة مشاكل، والمواطنين عايزين يشوفوا حل ويسمعوا حضرتك هتعمل إيه، الناس خلاص زهقت، هى مش بمزاجكم الأسبوع اللي فات مع زوجتك، والأسبوع ده مع الإعلام، فى إيه يا سيادة المحافظ؟ أنت جاى تغلب الناس ولا إيه؟ حضرتك موظف عند الدولة، أنت فاكر أن فى أيدك خاتم سليمان؟".
شاهد الفيديو: