بالفيديو.. رد فعل عمرو أديب بعد ولادة سيدة في الشارع

انفعل الإعلامى عمرو أديب، بسبب واقعة السيدة التى وضعت مولودها فى الشارع أمام مستشفى كفر الدوار بالبحيرة، وقال: “موتوا بعاركم، وجايين تقولوا حرام اللى بيحصل فى مبارك، حرمت عليه عيشته، ولسه قاعدين تطبلولوا وتهيصولوا، بهدل البلد وجابها على الأرض”.
وأضاف «أديب»، في برنامجه «القاهرة اليوم» على قناة «اليوم»، مساء الأحد: «مبارك هيذلنا عشان الضربة الجوية الأولى، ده عيشنا 30 سنة زي الزفت، وجاب البلد على الأرض، وفي ناس هتخرج وتقول حرام عليك، يولع مبارك، وهو اللي طلع عين أبونا كده».
وتابع: «كلنا عارفين أن عصابة كانت تحكم مصر في عهد مبارك، وكان هيجيب ابنه ويلبسنا فيه، والمستشفى اللي رفضت استقبال السيدة، من مدرسة مبارك، ودول موظفينه، عيشوا بقى وفوقوا، وإزاي رئيس يدي حوار لصحيفة، والخرا اللي إحنا فيه ده من مبارك وعائلته وعصابته».
وواصل: «أنا بكره مبارك أكتر من أي شخص، والثورة قامت عليه عشان نانوس عينه وابنه جمال، ويقولوا ده رئيسنا، ده نيلة وساب البلد حالها مقرف، لا في كهرباء ولا مياه، وكان عهده الناس بتاكل زبالة»، مضيفًا: «ده أنا هموت، وهو لسه عايش، ده راجل زي الزفت، وإحنا بنشرب فساد مبارك منذ 30 سنة، وال3 سنوات الماضية، وإزاي البيه يقول حوارات وهو في السجن، وأنا لا بيهمني مبارك ولا عصابته، ولا أي حد تبعه، كلهم عصابة سرقت بلدنا».