قالت سلمى صباحى، نجلة المرشح الرئاسي السابق حمدين صباحى، إنها تطالب بمنع الحزب الوطني وقياداته من ممارسة الحياة السياسية وذلك بعد ظهور بعض الإعلاميين في الفترة الأخيرة والذين طلبوا من الحكومة الجديدة إعطاء الحق للرئيس الأسبق حسنى مبارك وأعضاء الحزب الوطني بالرجوع للحياة السياسية مثل أي مواطن مصري. وقالت سلمى في تدوينة لها عبر صفحتها الشخصية علي موقع التواصل الاجتماعى "فيس بوك": "بيقولوا في إعلاميين بيطلعوا ع الهوا يطلبوا من الحكومة الجديدة أن مبارك والعادلي والحزب الوطني وقياداته يرجعوا تاني للحياة السياسية!! ده بجد!!، طيب بما اني إعلامية بطلب هنا من بروفايلي منع رجوع أي حد أفسد مصر وتسبب في قتل ولادها لا مبارك ولا مرسي ولا تابعيه ولو عايزين ترجعوهم رجعوا بقى كل الشهداء اللي راحوا من 25 يناير لحد انهاردة!! ورجعوا الضي للعيون اللي راحت، وبرضو مش هنكون خالصين!! الله يرحمكم يا شهداء يا أنبل من فينا 25 يناير.
وتابعت أنها لا تقوم بتقديم أى برنامج الآن وذلك لخوف القنوات من ارتباط اسمها باسم والدها معلقة: "أنا إعلامية ومعنديش برنامج دلوقتي لأن مفيش قناة عندها الحرفية والجرأة تربط اسمها باسم سلمى صباحي بالرغم أن برنامجي اجتماعي مالوش علاقة بالسياسة". .