فيديو..محمود سعد لمتحدث الإخوان: "انت مستفز ومش قادر أسيبك تتكلم"

تداول نشطاء على مواقع التواصل الاجتماعي فيديو للإعلامي محمود سعد أثناء مشادته مع الدكتور أحمد عارف.. المتحدث باسم الإخوان المسلمين.
وقال عارف: مصر تجر لمعارك غير أخلاقية وبيتجاب فيها إجوان قبل الإخوان نفسهم والكل بيخسر .. وأي معادلة في مصر مينفعش نخرج منها رقم كبير اسمه المنتفعين من النظام السابق .. ينفع أخرج دول من أي معادلة سياسية تحدث بيني وبين أي حد من السياسيين؟ وقتها النتيجة هتطلع غلط .. يعني مثلا البلطجة المنظمة اللي حصلت إمبارح دي تخليني اسأل أين تم تسمين هذه البلطجة؟ أكيد في النظام السابق.. لذلك مينفعش إني أتعامل وكأن الرقم ده مش موجود .. وأول واحد هيتغاضى عنه هيبقى أكلت يوم أكل الثور الأبيض .. وده يخليني اسأل اللي أجرموا في حق الشعب دول ..اختفوا؟ أو اتبخروا؟ اللي كانوا بيتم تربيتهم من أجل الحفاظ على استقرار النظام السابق تابوا علي إيد الإخوان؟
وهنا انفعل محمود سعد قائلا: سيادتك مستفزني غاية الاستفزاز .. مش قادر أسكت عليك .. وعايز أسيبك تكمل كلامك بس مش قادر .. دي مسؤولية مين؟ أنا اللي همسك البلطجية؟ انتوا مش مدركين إنكم سيبتوا العارضة وبقيتوا في السلطة .. انت معاك رئيس الجمهورية ووزارة الداخلية ووزارة الدفاع .. لموا الناس البلطجية اللي في الشارع دول .. وفي أجهزة أمنية في البلد.. والمفروض تطهرها عشان تشتغل .. انت المسؤول عن هذا الفساد وعن هؤلاء البلطجية .
شاهدة الفيديو