يا مصري

انت يا مصري
مهموم كدا ليه
سرحان في إيه
فين بسمتك
فين طلتك
فين نكتتك
فين همتك
قولت يا بويا هموم كتير هدتني
وخلت الفرحة هجرتني
قولت خلاص هرتاح
دا زمن مبارك ولى وراح
يله يابلدنا إيمى الافراح
لكن إيد خفية
بينا مستخبية
ومعها بدل المليار مية
جندت بلطجية ومثقفين
وشوشوهم وشوش مصريين
وقلوبهم شارون وكوهين
على مصر حقدين
وبسيف الغدر متسلطين
يشعلوا الفتنة ويقتلوا شباب ثيرين
وجنود لمصر حامين
لا مهابة لقانون ولا دين
ولا حتى لوطن فيه عايشين
عاوزينا دايما مذلولين
ليهم دايما محتاجين
بثوا الرعب في كل حارة وبيت
وفعلوا أزمات حتى نقول للخواجة هات
سلاح الشر نصبوه
ومخطط الغدر حاكوه
وبإيدين شياطين بينفذوه
علشان في النهاية نندم على البداية
ونقول ياريت الثورة ماكانت
ولا كان لحسني نهاية
ونصرخ فى التحرير
الشعب يريد حسني الأمير
يقوم من كبوته ويحكم دولته
يله يا بطل نجحت فكرتك
انت وشلتك
يله قوم خود جيزتك
مصر لك ولاسرتك
مصر لك ولاسرتك
يا ثوري فووء واسمع صوت حكمتك
واوعى تحركك شهوتك
خلي ايدك فى ايد اخوك وعلى همتك
من رياسة وشرطة وجيش
علشان مصر بلدنا تعيش
ونبطل شر كل عميل خسيس
باع بلده وعرضه
وأكل ابنه من لحم أخوه
وشربه من دم أبوه
يا ثوري فووء واسمع صوت حكمتك
واوعى تحركك شهوتك
أرسل مقالك للنشر هنا وتجنب ما يجرح المشاعر والمقدسات والآداب العامة
page2almesryoon@yahoo.com