لأول مرة .. رضال عبد العال يكشف سر منع إذاعة حلقته مع رامز جلال

كشف رضا عبد العال - نجم الأهلي والزمالك السابق - أسباب منع إذاعة حلقته التي صورها مع رامز جلال خلال رمضان الماضي.
وقال "عبد العال" في لقاء مع برنامج "نمبر ون" الذي يقدمه الإعلامي "إبراهيم فايق" : "تم منع إذاعة حلقتي مع رامز جلال بسبب أن المايك اللي أنا كنت لابسه اتقطع وبالتالي معرفوش يسجلوا أي صوت فالحلقة باظت".
وأضاف: "أنا لما شوفت رامز جلال وهو بيقلد هيكتور كوبر المدير الفني السابق لمنتخب مصر عرفت إن دا مش (كوبر الحقيقي) وقلت الكلام دا لكابتن مجدي عبد الغني فقالي (كمل وخلاص) لكن مكنتش أعرف إن الشخص المتنكر في صورة كوبر هو نفسه رامز جلال".
وتابع: "قالولي لازم تركب العربية اللي بيجرها كلبين والكلاب عمالة تبصلي وأنا مرعوب ولما ظهر النمر قدامي بصيت لقيت البنتين اللي معانا دول قاعدين بيزقوني على النمر عشان ياكلني".