تحول فيديو مشادة الكاتبة فريدة الشوباشي مع المحامي عصام عجاج إلى "تريند" على موقع اليوتيوب العالمي ، إذ صنفه رقم "45" في قائمة المحتويات الرائجة في شتى أنحاء المنطقة . وانسحبت "الشوباشي" من برنامج "هنا القاهرة" الذي تقدمه الإعلامية "بسمة وهبة" بعد قيام المحامي عصام عجاج بالرد على تطاولها على الشيخ الشعراوي وتهديدها بالحبس . وقال "عجاج" في اللقاء : "انتي هتزايدي على وطنية الشعراوي؟ .. لما الشعراوي يقول إنه عايز يحيي الدين بدل الدنيا .. هي بتبقى مبسوطة أوي وهي القنوات الإعلامية جايباها .. الشعراوي قال إن مصر صدرت الإسلام إلى شتى بقاع الأرض رغم أنف كل حاقد أو حاسد .. الشيخ الشعراوي اللي كان بيحبط الكرسي بتاعه جنب الباب وهو وزير الأوقاف ويقول إنه بيعمل كدة عشان يكون جنب الباب ومحدش يُملي حاجة عليه .. الشيخ الشعراوي لا أبويا ولا عمي لكنه إمام الدعاة .. راجل عاش ومات عشان خاطر الدعوة .. الشيخ الشعراوي لن يتكرر". وأضاف: "الأخت فريدة الأزقة والحارات في العالم كله تمتليء بملايين مثلها .. الشيخ الشعراوي واحد بس .. مفيش حد يقرب منه .. ايه العبث دة؟ وتتكلم عن الحجاب وتقول إنه مش فرض وكمان بتخبط في الدين وتقول الست تتجوز أربعة .. وزعلانة من الأستاذ اللي عامل دعوى عشان يحبسها .. دة احنا عندنا مليار و 700 مليون مسلم كلهم يحبسوكي ". وهددت "الشوباشي" بالانسحاب قائلة : "أنا همشي" .. فقال "عجاج" : "تمشي مين؟ أنتي تعتذري للشعب المصري كله قبل ما تمشي" .. فقالت منفعلة: "أنت اللي المفروض تعتذر" .. فقال: "متعليش صوتك انتي مصيرك مستشفى الأمراض العقلية .. ست مين ؟ .. متخبطش في الدين .. دي نكرة ". و رد الكاتب خالد البري - الذي كان مؤيدًا لأفكار الشوباشي - قائلًا: "دة مش حوار .. دة تطاول .. احنا احترامًا للبرنامج ساكتين أنت الدين براء منك". و رد "عجاج" قائلًا: "أنتوا لا تملكوا غير السكوت .. و والله هقوم أضربك". الفيديو: