"تويتر" يشتعل ضد وزير الأوقاف لمنع الميكروفون بصلاة "التراويح"

بإصدار وزارة الأوقاف، بعض التعليمات الخاصة بصلاة التراويح بمنع تشغيل مكبرات الصوت بالمساجد خلال صلاة التراويح بشهر رمضان منعاً ل"الشوشرة"، غضب مستخدمو موقع التدوينات الصغيرة "تويتر" من القرار وتفاعلوا معه من خلال تعليقاتهم.
من جهته قال اللاعب أحمد حسن علي حسابه الخاص ب"تويتر": "بعد منع وزير الأوقاف لمكبرات الصوت في صلاة التراويح الناس خارج المسجد هتصلي ازاي؟ طيب ما تمنع صلاة التراويح احسن ونقضياها مسلسلات !!".
وأضاف آخر: "هما بتوع الاوقاف دول مسلمين زينا كده ولا ايه طيب عاوز تمنع مكبرات الصوت ف صلاه التراويح عشان الازعاج؟ طيب ازعاج مين بالظبط؟ عشان نفهم".
وفي نفس السياق قالت "غادة": "الأوقاف عاوزه تمنع الميكرفونات في المساجد يعني تصلوا من سكات القران يقرأ و لايسمعه المسلمين أو لا يقرأ".
وعلقت أخري:" وزارة الأوقاف تمنع الميكروفون الخارجي لصلاة التراويح في المساجد الناس اللي بتصلي في الشارع تبقي تبعت رسالة للامام عشان يعرفوا هو بيقول ايه".