والدة قتيل إيطاليا للسيسي: «هات حق ابني»

طالبت والدة عبد السلام السيد المنجي، العامل المصري، الذي تعرض لحادث دهس على يد سائق شاحنة تابعة لشركة "G L S" لنقل المواد الغذائية والبضائع في مدينة ميلانو أمس، الخميس، خلال مشاركته في مظاهرة عمالية، بمدينة بياتشينسا شمال إيطاليا، الرئيس عبد الفتاح السيسي، ضرورة الاهتمام بقضية نجلها المتوفى، ومعاقبة الجاني.
وقالت: "أنا مش هأقدر أعيش من غيره، وبأقول للرئيس عبد الفتاح السيسي، أنت أب فاعتبر ابني عبد السلام ابنك وهات لنا حقه لأن نار قلبي مش هيبرد إلا لما يعدموا اللي قتلوه".
وتابعت والدة المنجي، في حوار لها أجرته صحيفة "المصري اليوم"، "عبد السلام هو ابني البكر وسندي في الدنيا وهو اللي كان بيصرف على ويراعيني ويراعي إخواته السيد ومحمد وأحمد ووداد، وعمره ما تخلي عن أي حد، وهو عنده 3 أولاد أحمد وإلهام توأم 25 سنة ومحمد 18 سنة، وكان يعمل مدرسًا ثم ترك التدريس وسافر إيطاليا من 15 سنة زي كل شباب بلدنا، وأخذ زوجته وأولاده معه، وكان بينزل إجازة كل سنة بزوجته وأولاده، وآخر إجازة له كانت من سنة، وزوّج ابنته إلهام هنا علشان هو بيحب البلد وعائلته وزوجته نزلت إجازة قبله، وكانت هنا هي وابنه محمد وإلهام بينما محمد كان معاه علشان بيكمل دراسته، ولما سمعنا الخبر المشؤوم زوجته سافرت إيطاليا".
واستكملت: "مشفتوش من سنة وكنت منتظرة عودته قريب علشان يقضي إجازته معانا، لكن فوجئت فجر الخميس، بابنه يتصل من إيطاليا وهو منهار وبيبكي وقالي بصوت مش مفهوم عبد السلام مات، قتلوه في الشركة، وجلست فترة مش فاهمة كلامه ومش مصدقة وهو بيبكي ومنهار ومن ساعتها وأنا مش قادرة أصدق إن ابني هيرجع لي في صندوق مش على رجليه زي كل سنة".