ارحم نفسك بقى يا إنسان.. عامل بيئتك برحمة وحنان.. خد منها وارعاها بأمان.. دا البيئة هبة م الرحمن.. طهر من تانى المية.. رجعها حلوة نقية.. رب الكون اداها هدية.. الصحة بيها بتبقى عفية.. الفشل الكلوى جالنا منين.. م النيل كنا بنشرب بالكفين.. زمان كان غالى علينا.. اتغيرنا وبقينا عليه قاسيين كان عندنا له عيد.. نلبس له كل جديد.. مليون حسرة عليه.. بقى منا يا عينى شهيد.. الهوى جراله اللى جراله.. مش قادرين على أضراره.. كان يدينا صحة وعافية.. الدخان فكك قوى أوصاله.. خفف يا ابن آدم م الحرارة.. أوعى تقول صناعة وشطارة لو غضبت بيئتك حتكون جبارة.. وف لحظة تهيج من غير حتى أمارة.. ازرع شجرة ف كل مكان.. خللى الهوى يرجع نشوان.. تحصد أجر طول الزمان. زى ما قال النبى العدنان.