جالي مرض نادر ملوش علاج.. منى عراقي تحكي تفاصيل إصابتها وسبب سفرها للهند

كشفت الإعلامية منى عراقي عن إصابتها بمرض مناعي نادر، مشيرة إلى أن الأطباء في مصر أكدوا لها عدم وجود علاج لذلك المرض، حيث إن العلاج الوحيد له الاستمرار على الأدوية الهرمونية مدى الحياة، وذلك بعد العديد من المحاولات للتخفيف من أعراض المرض.
وقالت «منى» في فيديو عبر «فيسبوك»: «كل الدكاترة في مصر قالولي مالوش علاج انتي جالك مرض مناعي، طب ايه يا جماعة اعملوا حاجة، وكل اللى هنقدر نعمله إنك هتخدي هرمون هتعيشي بيه بقية حياتك قعدت 3 سنين بدور وأجرب كل حاجة عشان أخف».
وأضافت: «لحد ما قابلت سيدة ألمانية خفت من نفس المرض بتاعي، طب ازاي؟، قالتلي دوري عالجي السبب الأساسي للمرض مش الأعراض، بعد بحث طويل طلعت القصة بين عقلي وروحي والجسم اللي بيعرف يعبر، وبعد أربع شهور بدأت أتعالج، وسمعت عقلي بيزعق فيا ويقولي أول مرة تعملي حاجة كويسة لجسمك من ولدين وشغل وكل الناس أهم مني، طب هنوقع لك السيستم كله».
وتابعت :«فورا بدأت العلاج وبعد 4 شهور قولت اشوف المكان اللي اتعالجت فيه الست، المكان اللي بيعالج بأسلوب الطب الشامل، سافرت الهند المكان اللي بيعالج بأسلوب الطب الشامل، من أول الروح والعقل والجسم مع بعض، ودي أول مرة أحب فيها منى وهفضل أصالح فيها وعشان كده جيت الهند».